«ՉԵՄՓԻԸՆԶ ԼԻԿ» – ՊԱՅԵՐՆ ՅԱՂԹԵՑ՝ ՌԷԱԼ ՀԱՒԱՍԱՐԵՑԱՒ

0
49

Երեքշաբթի երեկոյեան տեղի ունեցան  Եւրոպայի Ախոյեան Ակումբներու Ախոյեանութեան «Չեմփիընզ Լիկ»  բաժակի  խմբային հանգրուանի հերթական  հանդիպումները: Տիտղոսակիր՝ Պայերն Միւնիխ  դարձաւ   «նոք-աութ» հանգրուանի հասնող առաջին խումբը, շնորհիւ Վիթորիա Փլզէնի դէմ  արձանագրած 1-0 յաղթանակին:  Մարիօ Մանտզուքիչ  նշանակեց  հանդիպման  միակ կոլը: Անգլիական Մանչեսթըր Սիթի խումբը նոյնպէս  հասաւ  վերջին 16-ին:  Անգլիացիները՝ 5-2 արդիւնքով պարտութեան մատնեցին Մոսկուայի Բանակայինները:   Սերժիօ Ակուերօ (2) եւ Ալվարօ  Նեկրետօ (3)  նշանակեցիին Սիթիի կոլերը:

Ռէալ Մատրիտ եւ  Փարի Սէն Ժերմէն  բաւական  մօտեցան  վերջին  16-ին: Սպանական  խումբը 2-2 արդիւնքով  հաւասարութիւն  մը ձեռք բերաւ  Թորինոյի մէջ՝ Եուվենթուսի  դէմ:  Արթուրօ Վիտալ, 42-րդ  վայրկեանին յառաջ մղեց  իտալական ակումբը, սակայն երկրորդ կիսախաղին՝  Ռոնալտօ եւ Կարէթ Պէյլ   առաւելութիւնը  շրջեցին Ռէալի կողմը:  Ֆեռնանտօ Լորենթէ  նշանակեց Եուվէ-ի  հաւասարութեան կոլը: Միեւնոյն խմբակին մէջ,  Էֆ.Սի. Գոփենհակըն անակնկալ՝ 1-0  արդիւնքով   պարտութեան մատնեց  Կալաթասարայը: Փարի Սէն Ժերմէն՝ 1-1 արդիւնքով հաւասարութեամբ  գոհացաւ  Անտերլեխթի դէմ հանդիպումը:   Զլաթան Իպրահիմովիչ  նշանակեց ֆրանսական խումբին  կոլը:  Մանչեսթըր Եունայթըտ –  Ռէալ Սոսիետատ  ճակատումը վերջ գտաւ 0-0  հաւասարութեամբ:  Միւեւնոյն՝  0-0  արդիւնքով վերջ գտաւ նաեւ Շախտիոր – Պայեր Լեվերքուզեն  ճակատումը:

Ա. Խմբակ

 Ռէալ Սոսիետատ –  Մանչեսթըր Եունայթըտ՝ 0-0

Շախտիոր  Տոնեցք  –  Պայեր Լեվերքուզեն՝ 0-0

Բ.Խմբակ

  Էֆ.Սի. Գոփենհակըն –  Կալաթասարայ՝ 1-0

  Եուվենթուս  – Ռէալ Մատրիտ՝ 2-2

Գ.Խմբակ

 Օլիմփիաքոս –  Պենֆիքա՝ 1-0

Փարի Սէն Ժերմէն  – Անտերլեխթ՝ 1-1

Դ.ԽՄԲԱԿ

Մանչեսթըր Սիթի  – Մոսկուայի Բանակայիններ՝  5-2

Վիթորիա Փլզէն –  Պայերն Միւնիխ՝  0-1

 

 

LEAVE A REPLY

Please enter your comment!
Please enter your name here