ԴԵՐԱՍԱՆ ՎԱՐԴԱՆ ՊԵՏՐՈՍԵԱՆԻ ԴԷՄ ՁԵՐԲԱԿԱԼՈՒԹԵԱՆ ՈՐՈՇՈՒՄ

0
46

Ոստիկանութեան նախաքննական մարմինը դերասան Վարդան Պետրոսեանը ձերբակալելու որոշում կայացուց:

Եղուարդ-Երեւան ճանապարհին վրայ,  20 Հոկտեմբերին ինքնաշարժի արկածի հետեւանքով  եօթը   քաղաքացիներ   մարմնական  վնասուածք ստանալով փոխադրուեցան  հիւանդանոց, որոնցմէ երկուքը մահացան: Արկածահարներուն  մէջ  էր նաեւ դերասան Վարդան Պետրոսեանը: Ան տեղափոխուած էր «Էրեբունի» հիւանդանոց եւ վիրահատութեան  ենթարկուելէ ետք,  դուրս ելած:

Դէպքին առթիւ յարուցուած է քրէական  հարց՝ Քրէական օրէնսգիրքի 242-րդ յօդուածի 3-րդ մասի համապատասխան՝  ինքնաշարժ կամ մեքանիկական այլ փոխադրամիջոց վարող անձին կողմէ ճանապարհային երթեւեկութեան եւ փոխադրամիջոցներու շահագործման կանոնները խախտելը, յառաջացուցած է երկու կամ աւելի մարդու մահ: Յանցագործը կը պատժուի ազատազրկումով` չորսէն տասը տարի ժամկէտով` որոշակի պաշտօններ զբաղեցնելու կամ որոշակի գործունէութեամբ զբաղուելու իրաւունքէն զրկելով` առաւելագոյնը երեք տարի ժամկէտով: Այս որոշումը  հաղորդուելէ անմիջապէս ետք,  Վարդան Պետրոսեանի առողջական վիճակը  ծանրացաւ  եւ   վերստին փոխադրուեցաւ  «Սթրես»  հոգեկան  առողջութեան  վերականգնողական կեդրոն:

 

LEAVE A REPLY

Please enter your comment!
Please enter your name here