«ԺԸՆԵՒ -2»Ի ՆԱԽԱՊԱՏՐԱՍՏՈՒԹԻՒՆԸ ԺԱՄԱՆԱԿԻ ԿԸ ԿԱՐՕՏԻ

0
34

Սուրիոյ  հարցով ՄԱԿ-ի եւ Արաբական Լիկայի  պատուիրակ Լախատար Իպրահիմի   յայտարարեց, թէ   տակաւին  յստակ  թուական   գոյութիւն  չունի «Ժընեւ-2» խորհրդաժողովին համար: Իպրահիմիի յայտարարութենէն  պարզորոշ կը թուի, թէ խորհրդաժողովին նախապատրաստութիւնը  ժամանակի պիտի կարօտի:   Ժընեւի մէջ, ռուսական պատուիրակութիւն մը,  երէկ Չորեքշաբթի, հանդիպում մը  ունեցաւ  Ռաֆաաթ Ասատի,  Հէյսէմ Մանաայի եւ  Քատրի  Ճեմիլի  հետ:  Ռուսիոյ փոխարտաքին  գործոց   նախարար Կենատի Կաթիլով   «Ժընեւ-2»ն  մինչեւ  տարեվերջ կայացնելու  կարելիութիւն մը: Ան  բնական նկատեց  ընդդիմութեան հետ  բանակցութիւնները, որովհետեւ  միայն  քաղաքական  փոխհասկացողութեամբ կարելի պիտի  ըլլայ լուծել  հակամարտութիւնը:  Կաթիլով  դրուատեց այս  ուղղութեամբ Դամասկոսի    որդեգրած դրական քայլերը:

Միացեալ Նահանգներու պետական  քարտուղարութեան խօսնակ Մարի Հարֆ  նշեց,  թէ  Սուրիոյ   ընդդիմութիւնը խորհրդակցական    հանդիպում մը  պիտի ունենայ Շաբաթ,  9  Նոյեմբերին:

Միւս կողմէ, Թեհրան   հերքեց  Սուրիոյ  հակամարտութեան  պաշտօնական  բանակով  մասնակցելու ամբաստանութիւնները:

 Ապահովական գետնի վրայ, սուրիական բանակը  շարունակեց  Հոմսը շրջապատող գիւղերը ծայրայեղականներէն  ազատագրելու  գործողութիւնները:  Դամասկոսի Միտեն  թաղամասի հարաւային շրջանին  մէջ ինկաւ «Հաուն» տիպի հրթիռ մը:  Ռաքքայի  շրջանին մէջ,  քրտական  ինքնապաշտպանութեան  ուժեր ետ կը  մղեն ծայրայեղական  Տաաշ կազմակերպութեան  յարձակումները:Ծայրայեղականները   կորսնցուցին Ռաաս Ալ Այն  շրջանի  մէջ իրենց   վերջին դիրքերը:

LEAVE A REPLY

Please enter your comment!
Please enter your name here