ՊԱՂԵՍՏԻՆՑԻՆԵՐԸ ԲՆԱԿՈՒԹԵԱՆ ԾՐԱԳԻՐՆԵՐԸ ԴԱԴՐԵՑՆԵԼՈՒ ՀԵՏ ԿԸ ՊԱՅՄԱՆԱՒՈՐԵՆ ԻՍՐԱՅԷԼԻ ՀԵՏ ԲԱՆԱԿՑՈՒԹԻՒՆՆԵՐՈՒ ՎԵՐՍԿՍՈՒՄԸ

0
19

Միացեալ Նահանգներու պետական  քարտուղար  Ճոն Քերրի   Երուսաղէմի  մէջ   հանդիպում մը  ունեցաւ  Իսրայէլի վարչապետ  Պենիամին Նեթանիահուի հետ եւ  քննարկեց  իսրայէլապաղեստինեան  բաանկցութիւնները վերաշխուժացնելու կարելիութիւնները:   Քերրի  իր հանդիպումները  աւարտելէ ետք անցաւ Ռամալլա, ուր հանդիպում մը  ունեցաւ Պաղեստինեան Իշխանութեան պետ  Մահմուտ Ապպասի հետ:  Ապպաս  դատապարտեց  Արեւելեան Երուսաղէմի մէջ իսրայէլեան կառավարութեան  բնակութեան  նոր  ծրագիրները  եւ   անոնց դադրեցման հետ պայմանաւորեց  բանակցութիւններու  վերսկսումը:  Վարչապետ Նեթանիահու  յայտնեց, թէ պաղեստինցիները  արհեստական արգելքներ կը  դնեն  խաղաղութեան բանակցութիւններուն առջեւ. «Որպէսզի մեր եւ պաղեստինցիներուն միջեւ խաղաղութիւն  հաստատուի, անոնք պէտք է ճանչնան հրեայ ժողովուրդին՝ իր հայրենիքին վրայ սեփական ազգ-պետութիւն մը ունենալու իրաւունքը, որուն միտք բանին այն է, որ անոնք (պաղեստինցիները) վերջնական համաձայնագիրի մը ծիրին մէջ պէտք է ընդունին ջնջել իրենց ազգային պահանջները, ներառեալ՝ տունդարձի իրաւունքը, ինչպէս նաեւ Իսրայէլի պետութենէն այլ պահանջներ», ըսաւ Նեթանիահու:
Ապահովական  գետնի վրայ,   իսրայէլեան բանակը  չորս պաղեստինցիներ  ձերբակալեց  Արեւմտեան Ափի  մէջ:

LEAVE A REPLY

Please enter your comment!
Please enter your name here