ԻՐԱՆ ԳՈՀ՝ ՄԻՋՈՒԿԱՅԻՆ ԹՂԹԱՐԱՐԻՆ ՇՈՒՐՋ ԲԱՆԱԿՑՈՒԹԵԱՆՑ ԸՆԹԱՑՔԷՆ

Իրանի նախագահ Հասան Ռոհանի յայտարարեց, որ Իրանի եւ «5+1»ի (ՄԱԿ-ի Ապահովութեան Խորհուրդի մնայուն 5 անդամները եւ Գերմանիա) միջեւ Թեհրանի միջուկային թղթածրարին շուրջ բանակցութիւնները դրական յառաջխաղացք արձանագրած են: Ռոհանի Թեհրանի մօտ Աւստրիոյ դեսպանին հետ իր հանդիպումին ընթացքին յոյս յայտնեց, որ Ժընեւի մէջ շարունակուելիք քննարկումները զարգացնելու համար նոր ու կարեւոր քայլեր կ՛առնուին:
Մինչ այդ, Իրանի միջուկային ուժանիւթի կազմակերպութեան նախագահ Ալի Աքպար Սալեհի յայտարարեց, որ Իրան Հիւլէական Ուժանիւթի Միջազգային Գործակալութեան նախագահը 11 Նոյեմբերին,  Թեհրան հրաւիրուած է, իսկ վերջինս ընդառաջած  է հրաւէրին:

Միւս կողմէ, Միացեալ Նահանգներու պետական քարտուղարութիւնը  Գոնկրէսին կոչ ուղղեց՝ Իրանի դէմ յաւելեալ պատժամիջոցներու հաստատումը կարճ ժամանակով մը յետաձգելու, որպէսզի պատժամիջոցները ամերիկեան բանակցային ռազմավարութեան համահունչ ըլլան: «Ներկայիս պարտաւոր ենք իրանեան նոր կառավարութեան կողմէ հնչող քաջալերական ոճին զգուշութեամբ մօտենալու», նշեց նախարարութիւնը:
Իր կարգին, Միացեալ Նահանգներու պաշտպանութեան նախարար Չաք Հէյկըլ յայտնեց, որ իսրայէլեան սպառնալիքներն ու պատժամիջոցներու ճնշումը Իրանը մղեցին բանակցութեան սեղան նստելու՝ լրջօրէն քննարկելու համար իր հիւլէական ծրագիրի հարցը:

 

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button