«ՉԵՄՓԻԸՆԶ ԼԻԿ» – ՊԱՐՉԵԼՈՆԱ ԵՒ ԱԹԼԵԹԻՔՕ ՀԱՍԱՆ ՎԵՐՋԻՆ 16-ԻՆ

Լիոնէլ  Մեսի  վերջ դրաւ  վերջին  շրջանին զինք  տանջող «Կոլի  Ծարաւ»ին, երբ երկու կոլ նշանակեց,  Ս.Սէ. Միլանի դէմ  Պարչելոնայի  արձանագրած  3-1  յաղթանակին:  26-ամեայ արժանթինցին, կատարած  վերջին երեք  մրցումներուն, առանց կոլ նշանակելու կը հեռանար դաշտէն:  Մեսիի  երկրորդը՝ անոր   65-րդն էր, «Չեմփիընզ Լիկ»  մրցաշարքի  գծով  կատարած 82  մրցումներուն ընթացքին: Պուսքէթ  նշանակեց գաթալոնական խումբին երրորդ կոլը: Շնորհիւ   սոյն   յաղթանակին, Պարչելոնա հասաւ  մրցաշարքի վերջին  16-ին:  Հոլանտական Այաքսը՝ 1-0 արդիւնքով պարտութեան մատնեց Սելթիքը:

Աթլեթիքօ Մատրիտ՝  4-0 արդիւնքով  փառաւոր յաղթանակ մը արձանագրեց Աւստրիա Վիեննայի  դէմ եւ 2008-09   մարզաշրջանէն  իվեր առաջին  անգամ ըլլալով, հասաւ  սոյն մրցաշարքի վերջին  16-ին:  Միրանտա, Ռաուլ Կարսիա,  Ֆիլիփէ Լուիս եւ  Տիէկօ  Գոսթա  նշանակեցին սպանական  խումբին կոլերը: Նշենք,  թէ Աթլեթիքօ Մատրիտ եւ  Պայերն Միւնիխ   միակ  խումբերն են, որոնք «Չեմփիընզ Լիկ»ի խմբակային մրցումներուն պահպանեցին հարիւր առ հարիւր ցուցանիշ:

Զենիթ- Փորթօ  հանդիպումը  վերջ գտաւ  1-1 հաւասարութեամբ: Զենիթի կոլը նշանակեց  Փորթոյի նախկին յարձակող Հալքը: Ան նաեւ կորսնցուց  փենալթի մը:  Մրցաշարքի անցեալ տրուան ֆինալիստ՝ Պորուսիա  Տորթմունտը, սեփական դաշտին մէջ 1-0 արդիւնքով  պարտութիւն մը կրեց Արսենալէն:  Աարոն Ռամզի նշանակեց  հանդիպումին միակ եւ ամենակարեւոր կոլը:  Միեւնոյն խմբակին մէջ, Նափոլի 3-2 արդիւնքով պարտութեան մատնեց  Մարսէյը: Կոնզալօ Հիկուային (2) եւ Կոքհան   նշանակեցին իտալական խումբին կոլերը:  Չելսի, Լոնտոնի մէջ  3-0 արդիւնքով  հանգիստ  յաղթանակ մը տարաւ  Շալքէ 04-ի դէմ:  Սամուէլ Էթօ (2) եւ Տեմպա Պա նշանակեցին «Կապոյտներ»ուն կոլերը:

Ստորեւ, մրցումներուն թեքնիք հանդիպումները:

Ե.Խմբակ

Պասէլ – Սթեուա Պուքարեսթ՝ 1-1 

Չելսի  –  Շալքէ   04՝ 3-0

Զ.Խմբակ

Պորուսիա Տորթմունտ – Արսենալ ՝ 0-1

Նափոլի  – Մարսէյ ՝ 3-2

Է.Խմբակ

Զենիթ –  Փորթօ՝ 1-1

Աթլեթիքօ Մատրիտ –  Աւստրիա Վիեննա՝ 4-0 

Ը.Խմբակ

Այաքս Ամսթերտամ –  Սելթիք՝ 1-0 

Պարչելոնա – Ա.Սէ. Միլան՝ 3-1 

ՆԱՏԱԼ՝  ՏԱՐՈՒԱՆ ԼԱՒԱԳՈՅՆԸ

Սպանացի  Ռաֆայէլ Նատալ  շահեցաւ, Անգլիոյ մէջ   տեղի ունեցող, թենիսի  միջազգային    «Պարքլիզ  Էյ.Թի.Փի  Թուր»  միջազգային մրցաշարքը: Եզրափակիչ մրցումին,  սպանացին՝  7-6, 7-6, արդիւնքով  պարտութեան մատնեց Սթանիսլաս Վաւրինքան:

Նատալ բոլորեց  հրաշալի տարի մը: Տակաւին Փետրուարին, ծունկի վնասուածքի մը հետեւանքով համաշխարհային  դասաւորման  լաւագոյն   հնգեակէն դուրս մնալէ  ետք, ան աստիճանաբար   վերագտաւ իր  մարզավիճակը եւ տարին եզրափակեց գրաւելով համաշխարհային դասաւորման  առաջին դիրքը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button