ՉԻՆԱՍՏԱՆ ԿԸ ՄԵՐԺԷ «ԺԸՆԵՒ -2»Ն ՈՒՇԱՑՆԵԼՈՒ ՄԻՏՈՒՄՆԵՐԸ

0
28

Չինաստանի արտաքին  գործոց նախարարութեան խօսնակ  Հոնկ Լի պահանջեց  բազմպատկել «Ժընեւ -2» խորհրդաժողովը  կազմակերպելու ճիգերը:  Լի  նշեց, թէ  միջազգային ընտանիքը  համոզուած է, թէ    քաղաքական  լուծումէն բացի տարբերակ  չկայ  Սւորիոյ հակամարտութեան համար: Սուրիական  բանակը իր ամբողջական  հակակշիռին տակ վերցուց Դամասկոսի   մերձակայ Սեպինյէի   շրջանը:  Այսպէս կոչուած ազատ բանակը երկրի տարբեր  շրջաններու մէջ  կ’արձակէ հրասանդներ: Դամասկոսի  վրայ արձակուած  «Հաուն» տիպի հրթիռ մը  խլեց զոհեր  եւ  վիրաւորներ:

 « Shamtimes»   կը  յայտնէ, թէ մօտ օրէն Սուրիա  շահագործման  պիտի  դնէ կազի եւ քարիւղի  իր պահեստները:  Այս   քայլը ինքնաբերաբար  պիտի նպաստէ ազգային դրամանիշին վերարժեւորման: Կ’ըսուի,թէ   թղթոսկին պիտի   վերագտնէ   ամերիկեան տոլարի դէմ իր  նախաճգնաժամային պատկերը՝ 47-50: Աղբիւրին համաձայն, սուրիական թղթոսկիին  արժեւորումը  իր նախկին արժէքին,կ’ենթադրէ  ամիս մը  ժամանակ, երբ կազի եւ քարիւղի շրջաններու շահագործման դիմաց վճարուի օտար դրամանիշ։

LEAVE A REPLY

Please enter your comment!
Please enter your name here