ՆԱԽԱԳԱՀ ՍԸԼԷՅՄԱՆ ՌԻԱՏ ՊԻՏԻ ԱՅՑԵԼԷ ԵՐԿՈՒՇԱԲԹԻ ՕՐ

0
56

 Հանրապետութեան նախագահ Միշէլ Սըլէյման, յառաջիկայ  Երկուշաբթի առաւօտեան,  պաշտօնական այցելութիւն մը  կատարէ Սէուտական Արաբիա:  Սէուտական Արաբիոյ մայրաքաղաք Ռիատի մէջ,  նախագահ Սըլէյման  խորհրդաժողով մը պիտի ունենայ  Ապտալլա Պըն Ապտէլ Ազիզ  վեհապետին հետ:  Սըլէյման նաեւ պիտի  հանդիպի արտաքին գործոց նախարար, իշխան   Սէուտ  Ֆայսալի  հետ: Այցելութիւնը առիթ մը պիտի  ըլլայ  վերանայելու Պէյրութ-Ռիատ  յարաբերութիւններուն, ինչպէս նաեւ քննարկելու   շրջանային հարցեր:  Նախագահ Սըլէյմանի եւ  Ապտալլա Պըն Ապտէլ Ազիզ  վեհապետին    հանդիպման առանցքային     օրակարգը  անկասկած  պիտի  ըլլայ Սուրիոյ  հակամարտութիւնը եւ  «Ժընեւ-2» խորհրդաժողովը: Հանրապետութեան նախագահը  Պաապտայի պալատին մէջ ընդունեց  խորհրդարանի  փոխնախագահ Ֆարիտ Մաքարին  եւ այլ անձնաւորութիւններ:

Նախագահ Միշէլ Սըլէյման Ռիատ կատարելիք այցելութեան նախօրէին,  դիտել տուաւ,  թէ  Սէուտական Արաբիոյ հետ  յարաբերութիւններու սերտացումը եւ համագործակցութիւնը   նպաստաւոր պիտի  ըլլայ  Լիբանանի համար  եւ  տակաւ  պիտի ամրապնդէ երկրին  կայունութիւնը:

Նորանշանակ վարչապետ Թամամ Սալամ երէկ  յայտարարեց, թէ  իր դիրքը կը մնայ անփոխոխ եւ կ’աշխատի կազմելու  համախմբող  կառավարութիւն:  Սալամ  շեշտեց  չափաւորական  դիրքեր պահպանելու  Ուալիտ Ճոմպլաթի  քայլերը:

 Ապահովական գետնի  վրայ,  համեմատական հանդարտութիւն կը տիրէ   հիւսիսային Լիբանանի մայրաքաղաք Թրիփոլիի մէջ:  Լիբանանեան բանակը կ’աշխատի  զինուորական աքցան  մը  կազմել   Թրիփոլիի մէջ  եւ  իր հակակշիռին տակ պահել  քաղաքին  մայրուղիները:

LEAVE A REPLY

Please enter your comment!
Please enter your name here