ԼԻԲԱՆԱՆԵԱՆ ԿԱՐՃ ԼՈՒՐԵՐ

0
13

– Լիբանանի մօտ Ռուսիոյ դեսպան  Ալեքսանտր  Զասփիքին դիտել տուաւ, թէ  «Ժընեւ-2» խորհրդաժողովը  դրական  ազդեցութիւն պիտի ունենայ Լիբանանի վրայ:  Դեսպանին կարծիքով, հակամարտութեան  կողմերուն  միջեւ  դժուար պիտի  ըլլայ  մէկ նիստի  ընթացքին  գոյացնել    համաձայնութիւն, սակայն  խորհրդաժողովը   դրական մթնոլորտ մը պիտի ստեղծէ   Միջին Արեւելքի մէջ եւ նպաստէ   հակամարտութեան լուծումին:

– Երեսփոխան Մարուան Համատէի կարծիքով,  նախկին վարչապետ Սաատ Հարիրի  յառաջիկայ  շաբաթներուն  ընթացքին  պիտի  վերադառնայ Լիբանան:   Համատէ  յայտնեց, թէ  Ուալիտ Ճոմպլաթ կը մնայ  չափաւորական դիրքերու վրայ եւ  նախանձախնդիր՝ Լիբանանի կայունութեան:

– Առողջապահութեան նախարարի  պաշտօնակատար Ալի Հասան Խալիլ  հաւաստեց, թէ  մանկական անդամլուծութեան դէպքեր գոյութիւն չունին Լիբանանի մէջ: Նախարարը սոյն  յայտարարութիւնը կատարեց  Քարանթինայի մէջ՝  մանուկներու անդամալուծութեան դէմ  պատուաստումի արշաւի  մը  նախօրէին: Նշենք, թէ Սուրիոյ  մէջ  յայտնաբերուած  համաճարակին  հետեւանքով, ՄԱԿ-ը  Միջին Արեւելքի մէջ  ձեռնարկած է   քսան  միլիոն   անչափահաս պատուաստելու  արշաւի մը:

– Ներքին  գործոց նախարարի պաշտօնակատար  Մարուան Շարպէլ  իր գրասենեակին մէջ ընդունեց  Պահիա Հարիրին եւ   քննարկեց  լիբանանեան  բեմին վերջին զարգացումները:

 

LEAVE A REPLY

Please enter your comment!
Please enter your name here