ԼԱՒՐՈՎ ՝ ՆԱԽԱՊԱՅՄԱՆՆԵՐԸ ԸՆԴՈՒՆԵԼԻ ՉԵՆ «ԺԸՆԵՒ -2» ԽՈՐՀՐԴԱԺՈՂՈՎԻՆ

Ռուսիոյ արտաքին գործոց  նախարար   Սերկէյ Լաւրով  յայտարարեց, թէ   Սուրիոյ ընդդիմութիւնը կը մերժէ մասնակցիլ  «Ժընեւ -2» խորհրդաժողովին:  Լաւրով    ընդգծեց, թէ   ռուս-ամերիկեան համաձայնութիւնը կը մերժէ   խորհրդաժողովէն առաջ  լսուող նախապայմանները:

 Բրիտանական  «Տը Կարտիըն» օրաթերթը կը գրէ, թէ Սէուտական Արաբիա  տասնեակ  միլիոնաւոր գումարներ կը  ծախսէ՝   նախագահ  Պաշշար Ասատի  վարչակարգը  տապալելու նպատակով:  Ըստ  բրիտանական օրաթերթին,  ծայրայեղականները Փաքիստանէն  նոյնպէս կը ստանան  օժանդակութիւն:     Պի.Պի.Սի.-ն  հաղորդեց, թէ   Սուրիոյ  իշխանութիւններուն դէմ կռուող  իսլամիստներուն  մաս կը կազմեն  հարիւրաւոր բրիտանացի հպատակներ: Սոյն տոեւալները Պի.Պի.Սի.-ին  փոխանցած է  MI 5 հակահետախուզական  վարչութեան  հրամանատար  Էնտրու  Փարքըրը:  Վերջինիս  տուեալներով,   բրիտանացի ճիհատիստներու մեծ մասը  20-30  տարեկան   երիտասարդներ են, որոնք ունին  փաքիստանեան ծագում:

Միւս կողմէ, «Լանսէթ» բժշկագիտական անկախ պարբերաթերթը զգուշացուց՝  Սուրիոյ մէջ ծագած  «փոլիօմելիթ»  համաճարակը  կը սպառնայ Եւրոպային:

Ապահովական  գետնի վրայ, բանակը  յառաջընթաց կ’արձանագրէ  գրեթէ բոլոր ճակատներու վրայ:  Ծայրայեղականները  ահաբեկչական  գործողութիւններով կը հակադարձեն  օրինական  ուժերու   քայլերուն:  Սուրիոյ  ընդդիմադիրներէն՝ Մուհամմէտ  Ատնան  ոշագրաւ   յայտարարութիւն մը  կատարեց, ըսելով  թէ  իսրայէլացի ժողովուրդը գործընկեր է  միացեալ թշնամիին դէմ:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button