ՈՒԱՇԻՆԿԹԸՆ ՊԻՏԻ ՆՊԱՍՏԷ ՀԱՅԱՍՏԱՆԻ ՄԷՋ ՀԱՄԱԳՈՐԾԱԿՑԱԿԱՆՆԵՐՈՒ ՀԻՄՆՈՒՄԻՆ

0
19

Հայաստանի գիւղատնտեսութեան նախարար Սերգէյ Կարապետեան 8 Նոյեմբերին ընդունած է Միացեալ Նահանգներու Միջազգային Զարգացման Գործակալութեան (USAID) հայաստանեան գրասենեակի տնօրէն Քարէն Հիլըրտի գլխաւորած պատուիրակութիւնը:  Ողջունելով հիւրը՝ նախարար Կարապետեան յայտնած է. «Շնորհակալութիւն եմ յայտում Միացեալ Նահանգների կառավարութեանը՝ անկախութիւնից ի վեր Հայաստանի գիւղատնտեսութեան ոլորտին ցուցաբերած օժանդակութեան համար, որը շարունակւում է մինչ օրս, մասնաւորապէս, գիւղատնտեսութեան համատարած հաշուառման համար դուք պատրաստակամութիւն էք յայտնել տրամադրել շուրջ 1 միլիոն տոլար»: Այնուհետեւ նախարարը ներկայացուցած է գիւղատնտեսութեան ներկայ վիճակը, յառաջիկայ կատարելիքները եւ ծրագիրները: Ք. Հիլըրտը շնորհակալութիւն յայտնած է ընդունելութեան համար եւ նշած է, որ պատրաստ է լսելու նախարարութեան առաջարկները եւ զանոնք քննարկելու իր ղեկավարութեան հետ:
Զրուցակիցները համակարծիք եղած են այն մասին, որ Հայաստանի գիւղատնտեսութեան ապագան համագործակցականներն են, ուստի 2014 թուականին եւս, խորհրդատուական ծրագիրներու միջոցով պիտի խթանուի նոր համագործակցականներու հիմնումի գործընթացը։

LEAVE A REPLY

Please enter your comment!
Please enter your name here