ԼԻԲԱՆԱՆ ԱԿՆԿԱԼՈՒԹԻՒՆՆԵՐ ՈՒՆԻ ՆԱԽԱԳԱՀ ՍԸԼԷՅՄԱՆԻ ՌԻԱՏ ԿԱՏԱՐԵԼԻՔ ԱՅՑԵԼՈՒԹԵՆԷՆ

0
20

 Լիբանան անհամբեր կը սպասէ  Ռիատ – Պէյրութ  գերաստիճանին  արդիւնքին: Սկզբունքով, նախագահ  Միշէլ Սըլէյման  Երկուշաբթի  պիտի   այցելէ  Սէուտական Արաբիա: Նախագահին այցելութիւնը կը  զուգադիպի  Լիբանանի եւ Միջին Արեւելքի  կարեւոր մէկ հանգրուանին:   Լիբանան եւ շրջանային պետութիւններ կը հետեւին  Ռիատի մէջ  նախագահ Սըլէյմանի  ունենալիք  հանդիպումներուն արդիւնքնին: Սէուտական Արաբիոյ  Ապտալլա Պըն Ապտէլ Ազիզ  վեհապետին  հետ նախագահ Սըլէյմանի  խօսակցութիւնը պիտի  ընդգրկէ  շրջանային եւ   տեղական  հարցեր, սկսելով Իրանի միջուկային ծրագիրէն  հասնելով Սուրիոյ հակամարտութեան … լիբանանեան կառավարութեան  կազմութիւնը:

Նախագահ Սըլէյման իր   հանդիպումներուն ընթացքին, պիտի կեդրոնանայ չորս  հիմնական  թղթածրարներու շուրջ. կառավարութեան կազմութիւնը, Հըզպալլան,  նախագահական ընտրութիւնները եւ  Սուրիոյ հակամարտութիւնը:  Նախագահը  իր հետ  պիտի  չունենայ  ընկերակցող  նախարարներ, միայն՝ խորհրդականներ:  Նշենք, թէ նախագահ Սըլէյման  պիտի  ունենայ  երկու անջատ  գերաստիճաններ. Առաջինը՝  Ապտալլա Պըն Ապտէլ Ազիզ  վեհապետին, երկրորդը՝  արտաքին գործոց նախարար, իշխան Սէուտ Ֆայսալի հետ:  Նախագահ  Սըլէյման նաեւ  հանդիպում մը պիտի ունենայ նախկին վարչապետ Սաատ  Հարիրիի հետ:

Հանրապետութեան նախագահ Միշէլ Սըլէյման, Պաապտայի պալատին մէջ  գլխաւորեց ապահովական նիստի մը,  հրաժարեալ վարչապետ Նեժիպ Միքաթիի,  ներքին գործոց նախարար Մարուան Շարպէլի, ապահովական կառոյցներու  ներկայացուցիչներու մասնակցութեամբ: Հանդիպման  ընթացքին քննարկուեցաւ   Թրիփոլիի ապահովական  իրավիճակը: Նախագահ Միշէլ Սըլէյման նաեւ պատուեց գրող  Ամին Մաալուֆը:

LEAVE A REPLY

Please enter your comment!
Please enter your name here