ՆԻՔԻԹԱ ՍԻՄՈՆԵԱՆ ԱՅՑԵԼԵՑ ՍՊԱՐՏԱԿԻ ԱԿԱԴԵՄԻԱՆ

0
50

Ռուսիոյ   ֆութպոլի ֆետերասիոնի առաջին փոխնախագահ,  հանրածանօթ  ֆութպոլիստ,  մարզիչ՝  Նիքիթա Սիմոնեան այցելեց   Մոսկուայի Սպարտակ խումբին  երիտասարդական ակադեմիան եւ  հանդիպում  ունեցաւ  պատանի ֆութպոլիստներուն հետ:  Սիմոնեան պատասխանեց    պատանի ֆութպոլիստներու հարցումներուն, անոնց նուիրելով  յուշանուէրներ, իսկ ակադեմիային՝ Լեւ Թոլսթոյի «Պատերազմ  Եւ Խաղաղութիւն» վէպը,  գիրքին վրայ  արձանագրելով  հետեւեալ տողերը՝Սպարտակի ակադեմիայի պատանիներուն՝  եղէք հպարտ, որ սպարտակցի էք: Ընդմիշտ Սպարտակ:

Նշենք,թէ    հանրածանօթ ֆութպոլիստին ասպարէզը  սերտօրէն առնչուած  է Սպարտակ ակումբի   յաջողութիւններուն հետ: Երկար  տարիներ  Սպարտակի շապիկը  կրելէ ետք, ան մարզած է  մայրաքաղաքի խումբը, Երեւանի Արարատը, Խորհրդային Միութեան հաւաքականը:

 

LEAVE A REPLY

Please enter your comment!
Please enter your name here