ԲԱՆԱՍՏԵՂԾՈՒՀԻ ՆԱՆԱ ՄԱՐԳԱՐԵԱՆԻ «ՔԱՅԼ ԱՌԱՋ» ԺՈՂՈՎԱԾՈՒԻՆ ՇՆՈՐՀԱՆԴԷՍԸ

Երեւանի «Պիւրոկրատ»  գրախանութին մէջ տեղի ունեցաւ  բանաստեղծուհի Նանա Մարգարեանի «Քայլ  Առաջ»   բանաստեղծութիւններու   ժողովածուին շնորհանդէսը: «Քայլ Առաջ»ը  բանաստեղծուհիին առաջին փորձն է գրական  ոլորտի մէջ եւ կ’ընդգրկէ   հայերէն եւ  ռուսերէն աւելի քան  վաթսուն  բանաստեղծութիւն:

Շնորհանդէսին  ներկայ   գտնուեցան  բանաստեղծուհիի  մտերիմներն ու բարեկաները,  մամլոյ ներկայացուցիչներ,   ժամանակակից ճանչցուած  բանաստեղծուհի  Ազնիւ Սահակեանը:  Նանա  Մարգարեան ընթերցեց «Քայլ  Առաջ» ժողովածուէն  կարգ մը  բանաստեղծութիւններ,  նաեւ պատասխանեց ընթերցասէրներու  հարցումներուն: Ան նշեց, թէ իր  բանաստեղծութիւններէն  իւրաքանչիւրը անկեղծ  պատմութիւն է,  որուն ամէն մէկ բառը կ’արտայայտէ իր  վերապրած  յոյզերն ու  յոյսերը:

Նանա Մարգարեան ծնած է   Երեւան, 1978-ին:  Մասնագիտութեամբ երաժիշտ է:  Աւարտած է   Ռոմանոս  Մելիքեանի անուան  երաժշտական ուսումնարանի դաշնամուրային բաժինը, իսկ  յետագային՝ Կոմիտասի անուան պետական   երաժշտանոցի  ձայնային  արուեստի  բաժինը:

 

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button