ՊԱՐՉԵԼՈՆԱ, ԵՈՒՎԵՆԹՈՒՍ, ՍԷՆ ԺԵՐՄԷՆ, ՊԱՅԵՐՆ ԱՐՁԱՆԱԳՐԵՑԻՆ ՅԱՂԹԱՆԱԿ

0
55

 Եւրոպական  երկիրներու ազգային ախոյեանութիւններու  մէկ երրորդը աւարտած  ըլլալով,  արդէն իսկ  ծանօթ  դարձած են  տիտղոսի համար  պայքարող խումբերուն անունները:

 Անգլիոյ  ֆութպոլի ախոյեանութեան  11-րդ հանգրուանի  մրցումներուն,  Չելսի սեփական դաշտին մէջ  բախտաւոր հաւասարութիւն մը  կորզեց, երբ  2-2  հաւասարութեամբ աւարտեց  Ուեսթ Պրումուիչ Ալպիոնի դէմ   ճակատումը: Ալպիոն,  մրցումի մինչեւ 94-րդ վայրկեանը,  2-1 արդիւնքով արժանի առաւելութիւն մը կը պահէր, սակայն իրաւարարը  անտեղի  փենալթի մը շնորհեց «Կապոյտներ»ուն: Էտին Հազարտ զայն վերածեց կոլի եւ մարզիչ Ժոզէ Մուրինիոյի խումբը  փրկուեցաւ  ստոյգ  պարտութենէն:  Էնֆիլտ Ռոտ մարզադաշտին մէջ, Լիվըրփուլ  տպաւորիչ  խաղ  մը ցուցադրելով, 4-0 արդիւնքով  պարտութեան մատնեց Ֆուլամը: Ամորփիէթա(սեփական բերդէն ներս),  Մարթին Սքրթլ եւ Լուիս Սուարէզ  (2) նշանակեցին «Կարմիր»ներուն կոլերը:  Մանչեսթըր  Եունայթըտ, հինգի   նուազեցուց կէտերու տարբերութիւնը  առաջին դիրք  գրաւող Արսենալի հետ, երբ  Օլտ  Թրեֆորտ մարզադաշտին մէջ  1-0 արդիւնքով պարտութեան մատնեց  «Կանըրզ»ներուն:   Ռոպին Վան Փըրսի նշանակեց Եունայթըտի յաղթանակի  կոլը:   Սանտերլանտ՝  1-0 արդիւնքով  պարտութեան մատնեց Մանչեսթըր Սիթին, իսկ  Նիուքասլ Եունայթըտ,  Լոնտոնի մէջ    1-0 արդիւնքով  յաղթեց տեղւոյն Թոթենհամին:

ԴԱՍԱՒՈՐՈՒՄ

1-     Արսենալ՝     11  մրց. 25  կէտ

2-     Լիվըրփուլ՝     11  մրց. 23  կէտ

3-      Սաութեմթըն՝    11  մրց. 22  կէտ

4-     Չելսի՝      11 մրց. 22 կէտ

5-     Մանչեսթըր  Եունայթըտ՝   11  մրց. 20 կէտ

Սպանիոյ  ֆութպոլի ախոյեանութեան  13-րդ  հանգրուանի մրցումներուն,  Պարչելոնա՝  4-1   արդիւնքով   պարտութեան մատնեց  Ռէալ Պեթիսը:  Հանդիպման  21-րդ վայրկեանին, Պարչելոնայի  յարձակող  Լիոնէլ Մեսի ազդրէն հարուած մը ստանալով  հեռացաւ  դաշտէն:  Նէյմար,   Փետրօ  Ռոտրիկէզ եւ  Սեսք Ֆապրեկաս (2) նշանակեցին  գաթալոնական  խումբին կոլերը: Ռէալ  Մատրիտ,  5-1 արդիւնքով  պարտութեան մատնեց Ռէալ Սոսիետատը:  Արքայական Ակումբին  յարձակող Քրիսթիանօ Ռոնալտօ  երեք գնդակ  զետեղեց Սոսիետատի   բերդին մէջ, ընթացիկ տարեշրջանին նշանակած կոլերուն թիւը բարձրացնելով 16-ի:  Քարիմ Պենզեմա եւ Սամի  Խետիրա նշանակեցին Ռէալի  մնացեալ կոլերը:   Ռէալի  մարզիչ  Գառլօ Անճելոթի   բարձր  գնահատեց   Քրիսթիանօ Ռոնալտոյի  ցուցադրած խաղը, նշելով թէ  Ռոնալտօ   տարբեր մոլորակէ եկած  ֆութպոլիստ մըն է: Աթլեթիք  Պիլպաօ՝ 2-1 արդիւնքով պարտութեան մատնեց   Լեվանթէն:   Միկէլ   Ռիքօ եւ  Արից  Ատուրս նշանակեցին  «պասք»երու խումբին կոլերը:  Սեւիլիա՝ 3-1 արդիւնքով  պարտութեան մատնեց Էսփանիոլը, այս  վեջնոյն  դաշտին մէջ:

ԴԱՍԱՒՈՐՈՒՄ

1-     Պարչելոնա՝  13 մրց.  37 կէտ

2-      Աթլեթիքօ  Մատրիտ՝  13  մրց.  34 կէտ

3-     Ռէալ Մատրիտ՝  13  մրց.  31  կէտ

4-     Վիլառէալ՝  13  մրց. 24 կէտ

 Գերմանիոյ ախոյեանութեան  12-րդ հանգրուանի մրցումներուն, Պայերն  Միւնիխ՝  3-0 արդիւնքով  պարտութեան մատնեց  Օկսպուրկը:  Պաւարիական խումբը, ոչ  միայն ամրապնդեց ընդհանուր  դասաւորման մէջ  գրաւած առաջին դիրքը, այլեւ՝  37  յաջորդական մրցում անպարտելի մնալով,  բարելաւեց   երեսուն տարի առաջ, յաջորդական   36  մրցում անպարտելի  մնալու  Համպուրկի  հաստատած  մրցանիշը:  ժերոմ Պուաթենկ,  Ֆրանք Ժիպերի եւ  Թոմաս Միւլըր նշանակեցին Պայերնի կոլերը:   Պորուսիա Տորթմունտ 2-1  արդիւնքով  պարտութիւն մը  կրեց Վոլֆսպուրկէն:  Մրցումէն ետք,  Տորթմունտի  կիսապաշտպան, Հենրիկ Մխիթարեան  յայտնեց, թէ  անտեղի սխալներու  հետեւանքով   կորսնցուցած էին ոսկէ  կէտեր:  Պորուսիա Մէօնշենկլատպախ՝ 3-1 արդիւնքով  պարտութեան մատնեց  Նիւրենպերկը:  Խուան  Առանքօ եւ Նիքլաս  Սթարք  նշանակեցին « Մէօնշեն»ի  կոլերը:

ԴԱՍԱՒՈՐՈՒՄ

1-Պայերն Միւնիւխ՝  12 մրց.  32 կէտ

 2- Պորուսիա   Տորթմունտ՝  12  մրց. 28 կէտ

3- Պայեր  Լեվերքուզեն՝  12  մրց.  28 կէտ

4- Պորուսիա Մէօնշենկլատպախ՝ 12  մրց.  22 կէտ

 

Իտալիոյ ախոյեանութեան 12-րդ  հանգրուանի մրցումներուն, Եուվենթուս  գերազանցեց Նափոլիին եւ  երեք անպատասխան  գնդակ  զետեղեց անոր  բերդին մէջ:   Ֆեռնանտօ Լիորենթէ,  Անտրէա  Փիրլօ եւ   Փօլ  Փօկպա նշանակեցին  «Եուվէ»յի  կոլերը:  Ինթէր Միլանը, 2-0 արդիւնքով պարտութեան մատնեց   Լիվորնօն:  Ռոմա, սեփական դաշտին մէջ  1-1 արդիւնքով  անակնկալ հաւասարութիւն մը արձանագրեց  Սասուլոյի   համեստ կազմին դէմ:

ԴԱՍԱՒՈՐՈՒՄ

1-     Ռոմա՝  12 մրց. 32 կէտ

2-     Եուվենթուս՝  12 մրց.  31 կէտ

3-     Նափոլի՝ 12 մրց.  28 կէտ

4-     Ինթէր՝ 12 մրց.  25 կէտ

Ֆրանսայի   ֆութպոլի ախոյեանութեան 13-րդ  հանգրուանի հանդիպումներուն,  շնորհիւ  Զլաթան  Իպրահիմովիչի  նշանակած  «Հեթ-թրիք»ին, Փարի Սէն Ժերմէն՝ 3-0 արդիւնքով պարտութեան մատնեց    Նիսը: Լիլ՝ 0-0 արդիւնքով   հաւասարութիւն մը արձանագրեց Կենկանի դէմ:  Մարսէյ՝  2-1 արդիւնքով  յաղթեց Սոշոյին:  Ֆլորիան Տաուվին եւ Անտրէ  Փիեռ  Ժինիաք նշանակեցին  Մարսէյի կոլերը:

ԴԱՍԱՒՈՐՈՒՄ

1-     Փարի Սէն Ժերմէն՝   13  մրց.  31 կէտ

2-      Լիլ՝  13 մրց.  27 կէտ

3-     Մոնաքօ՝  13 մրց.  26 կէտ

4-     Նանթ՝  13  մրց. 23 կէտ

Ռուսիոյ ախոյեանութեան  16-րդ  հանգրոանի  մրցումներուն, շնորհիւ Եուրա  Մովսիսեանի նշանակած  երեք կոլերուն, Մոսկուայի Սպարտակը  4-2 արդիւնքով   պարտութեան մատնեց  Սան  փեթերսպուրկի  Զենիթը:  Տենիս  Կլուշաքով նշանակեց  մոսկուացիներուն  չորրորդ  կոլը:

ԴԱՍԱՒՈՐՈՒՄ

1-       Զենիթ՝   16  մրց. 36 կէտ

2-      Լոքոմոթիվ՝  16 մրց.  33  կէտ

3-      Սպարտակ՝  16  մրց.  33 կէտ

Հայաստանի ախոյեանութեան  12-րդ   հանգրուանի ամենասպասուած հանդիպումը  իրարու դէմ  հանեց  անցեալ տարուան ախոյեան Շիրակը եւ այս տարուան յառաջատար Երեւանի Արարատը:   Հանդիպումը  վերջ գտաւ Շիրակի յաղթանակով՝  3-0: Սոյն   յաղթաանակէն ետք,  Շիրակ՝  18-ի  բարձրացուց իր կէտերը: Արարատ՝  24 կէտով կը մնայ առաջին դիրքի վրայ:  Ուլիս՝ 1-0 արդիւնքով  պարտութեան մատնեց  Փիւնիկին:  Վերջինս,  18 կէտով կը գտնուի  դասաւորման  երկրորդ հորիզոնականին վրայ:

ԴԱՍԱՒՈՐՈՒՄ

1 – Արարատ՝  12  մրց.  24 կէտ

2-  Շիրակ՝ 12  մրց.   18 կէտ

3-  Փիւնիկ՝ 12  մրց. 17 կէտ

LEAVE A REPLY

Please enter your comment!
Please enter your name here