ՀԱՅԱՍՏԱՆԻ ԱԶԳԱՅԻՆ ԺՈՂՈՎԸ ՎԱՒԵՐԱՑՈՒՑ ԵՒՐՈՊԱԿԱՆ ՄԻՈՒԹԵԱՆ ՀԵՏ ԱՆՑԱԳԻՐՆԵՐՈՒ ԴՐՈՒԹԵԱՆ ԴԻՒՐԱՑՄԱՆ ՄԱՍԻՆ ՀԱՄԱՁԱՅՆԱԳԻՐԸ

0
46

Հայաստանի խորհրդարանը   վաւերացուց Եւրոպական  Միութեան  հետ անցագրային դրութիւնը դիւրացնելու   վերաբերեալ համաձայնագիրը:  Համաձայնագիրին կողմ  քուէարկեցին Ազգային Ժողովի  նիստին ներկայ բոլոր՝  108   պատգամաւորները:  Համաձայնագիրը  ուժի մէջ  կը մտնէ  վաւերացումէն ամիս մը  ետք:  Արտաքին գործոց նախարարութեան մօտ   Եւրոպայի վարչութեան ղեկավար  Արմէն Լիլոյեան  լուսաբանեց, թէ անցագիրներու  դիւրացման  համաձայնագիրէն յատկապէս  պիտի  օգտուին պաշտօնական  պատուիրակութիւններու ներկայացուցիչները,  Եւրոպական Միութեան  երկիրներու մէջ  բարեկամներ եւ  հարազատներ  ունեցողներ,  ուսանողներ, կրթական, ակադեմիական, մշակութային, գիտական, բուժման  նպատակով   Եւրոպական Միութիւն այցելողներ, լրագրողներ, միջազգային  մարզական միջոցառումներուն մասնակիցներ: Անցագիրը անվճար պիտի  ըլլայ   թոշակառուներու,  մինչեւ  12 տարեկան անչափահասներու, հաշմանդամներու եւ անոնց ուղեկցող անձերու, ուսանողներու,  բարձրագոյն կրթութեամբ զբաղող անձերու եւ այլ խումբերու համար, իսկ մնացեալները պիտի  վճարեն զգալի զեղչով:

LEAVE A REPLY

Please enter your comment!
Please enter your name here