ՆԱԽԱԳԱՀ ՍԸԼԷՅՄԱՆ ԼԱՒԱՏԵՍ ՌԻԱՏԻ ՀԱՆԴԻՊՈՒՄՆԵՐԷՆ

Հանրապետութեան նախագահ Միշէլ Սըլէյման իր լաւատեսութիւնը յայտնեց  Ռիատի   մէջ  ունեցած   հանդիպումներէն:  Նախագահ Սըլէյման  եւ Ապտալլա Պըն Ապտէլ Ազիզ  վեհապետը  միասնաբար  քնանրկեցին   Միջին  Արեւելքի խաղաղութեան  գործընթացը,  իսրայէլապաղեստինեան  բանակցութիւններու  գործընթացը,  Սուրիոյ հակամարտութիւնը:

Հըզպալլայի  փոխ ընդհանուր  քարտուղար շէյխ  Նայիմ Քասէմ  դիտել տուաւ, թէ  մեծ ակնկալութիւններ պէտք չէ ունենալ  հանրապետութեան նախագահին  Սէուտական Արաբիա  կատարած այցելութենէն:   Քասէմ  շեշտեց, թէ  ոչ  ոք կրնայ  ջնջել Դիմադրութիւնը եւ կամ  զայն   շեղել իր   գործընթացէն:  Երեսփոխան Նեպիլ Տը Ֆրէյժ   յայտնեց, թէ  հանրապետութեան նախագահը   Սէուտական Արաբիոյ մէջ   պիտի  չքննարկէ   լիբանանեան կառավարութեան թղթածրարը, այլ՝  Լիբանանի տնտեսական իրավիճակը եւ   Լիբանանին  օժանդակութիւններ առաքելու կարելիութիւնները:

Հրաժարեալ վարչապետ Նեժիպ Միքաթի  ընդունեց արդարադատութեան նախարարի պաշտօնակատար   Շեքիպ Քըրթպաուին, դատախազութեան խորհուրդի  նախագահ, դատախազ Շուքրի  Սատըրի ներկայութեան:  Միքաթի նաեւ ընդունեց  գրող Ամին Մաալուֆը

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button