ԹԱՆԷՐ ԱՔՉԱՄ՝ ԷՐՏՈՂԱՆ ՍԱՀՄԱՆԴ ԳԻՏՑԻՐ

0
31

Թուրքիոյ վարչապետ Ռեճէպ Թայիփ Էրտողանի ըրած յայտարարութիւնը, թէ աղջիկ-տղայ ուսանողներու` կացարանին մէջ միասին ապրիլը խստիւ պիտի արգիլուի, մեծ աղմուկ յառաջացուցած է Թուրքիոյ մէջ:

Այս մասին անդրադարձած է նաեւ թուրք լրագրող Թանէր Աքչամ. «Ինծի կը թուի՝ վարչապետին խօսքերը «Կեզի» այգիէն ետք ըրկրորդ երկրաշարժ կարելի է համարել: Որ շէնքը ուր կառուցելու, միակ ընտրելու իրաւունքի տէրը իրեն համարող վարչապետը հիմա սկսած է մեր երեխաներու «անձնականով» զբաղիլ:

«Այս թեման քննարկելէ առաջ կը ցանկանամ բան մը ըսել:

«Սիրելի վարչապետ, ես 22 տարեկան ուսանողուհիի հայր եմ: Աղջկաս անձը վիրաւորելու իրաւունքը դուք չունիք: Իմ երեխաս ինքը կ’որոշէ` ուր ապրի: Եթէ ինչ-որ «վատ» դէպք ըլլայ, ատիկա իմ եւ իր մէջ է: Միջամտելը ձեր գործը չէ: Ձեր ըրածը անկրթութիւն է:

«Ձեզի բան մը կրնամ ըսե՞լ. ձեր սկզբունքները իմինէս վեր չեն: Ձեր սահմանը գիտցէք: Թէ զիս, թէ աղջիկս կը վիրաւորէք:

««Մեծամասնութիւնը մեզի պէս կը մտածում» ըսելով՝ այդ մտքին ճիշտ ըլլալը չ’ապացուցեր:

«Չեմ գիտեր, 100 տոկոսով իսլամական պետութիւն ենք, թէ ոչ: Համարենք, որ` ենք, բայց եթէ մէկը պիտի հպարտանայ ատով, ուրեմն պարտաւոր է պատասխանելու նաեւ թէ «ժամանակին պետութեանդ երեսուն տոկոսը քրիստոնեաներն էին, ուրեմն ի՞նչ եղան» հարցումին:

LEAVE A REPLY

Please enter your comment!
Please enter your name here