ԼԻԲԱՆԱՆԵԱՆ ԿԱՐՃ ԼՈՒՐԵՐ

–         Հետաքննիչ ատեանի դատախազ  Սամիր Համուտ  լիազօրուեցաւ   վարելու  Ռաֆաաթ  Իյտի հետ   հետաքննութիւնը:   Համուտ իր տրամադրութեան տակ պիտի ունենայ  Իյտի  Շաբաթ օրուան  մամլոյ ասուլիսին  տեսագրութիւնը:

–          Խորհրդարանական  տեղեկատուութեան եւ  հաղորդակցութեան  յանձնախումբը, երեսփոխան  Հասան  Ֆատլալայի  գլխաւորութեամբ եւ  հաղորդակութեան,  պաշտպանութեան եւ արտաքին նախարարներու մասնակցութեամբ գումարեց  նիստ մը եւ  քննարկեց  Լիբանանի   հողային տարածութենէն  ներս  Իսրայէլի  լրտեսական  գործողութիւնները:   Նիստէն ետք, Ֆատլալա նշեց, թէ իսրայէլի  լրտեսական  գործողութիւնները  թշնամանք են  Լիբանանի դէմ: Նիստին մասնակիցները   որոշեցին  տարբեր  եղանակներով  պայքարիլ  իսրայէլեան   թշնամանքին դէմ:

–         Ընդհանուր  դատախազութիւնը սկսաւ  Օժանդակութեան Գերագոյն Խորհուրդի  թղթածրարի քննարկումը:  Խորհուրդի նախագահ  Իպրահիմ  Պաշիր կ’ամբաստանուի  տասը միլիոն տոլար  իւրացնելու  յանցանքով:  Քրէական   հետաքննութիւններու խորհուրդը   ձերբակալման  հրամանագիր արձակեց Պաշիրի դէմ:

–          Մուսթաքպալ Հոսանքի  պետ Ֆուատ Սինիորա մեկնեցաւ  Պրիւքսէլ  մասնակցելու «21-րդ դարուն՝ արաբ-եւրոպական երկխօսութիւն» խորագիրի  տակ  տեղի ունենալիք   միջազգային խորհրդաժողովին:

–          Զինուորական ատեանի  դատախազ Իմէտ Զէյն  լսեց  Պիր Ապտի, Ռուէյսի պայթումներուն,ինչպէս նաեւ Մասնայի  ճանապարհին վրայ ռումբեր տեղադրելու գլխաւոր վկայ,   լիբանանեան քաղաքացիութիւն  ունեցող անձնաւորութեան մը վկյութիւնները:  Ենթակային անունը   առայժմ  չի հրապարակուիր: Հարցաքննութիւնները կը շարունակուին ենթակային  հետ:

–          Խորհրդարանի  նախագահ  Նեպիհ Պըրրի  ընդունեց Լիբանանի  մօտ Սուրիոյ  դեսպան Ալի  Ապտէլ  Քարիմ Ալին:  Հանդիպումէն ետք, դեսպանը  յայտարարեց,թէ  Պըրրի վստահ է, որ լիբանանցի  ժողովուրդը պիտի  մերժէ խռովութեան բոլոր ծրագիրները:

–         Քահալէի մէջ,  երեք անձեր մահացան, եօթ ուրիշներ  փոխադրուեցան  հիւանդանոց,  երբ  մարդատար  «Վան» մը  բախեցաւ,  ասֆալթապատ անցարգելին:  Միջադէպին պատճառով  ստեղծուեցաւ  խուճապ եւ խճողում:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button