ԷՋՄԻԱԾՆԻ ՄԱՅՐ ՏԱՃԱՐԻՆ ՄԷՋ ՀՈԳԵՀԱՆԳՍՏԵԱՆ ՊԱՇՏՕՆ ԴԱՄԱՍԿՈՍԻ Ս.ԹԱՐԳՄԱՆՉԱՑ ՎԱՐԺԱՐԱՆԻՆ ԱՌՋԵՒ ՀՐԹԻՌԱԿՈԾՈՒՄԻ ԶՈՀԵՐՈՒՆ ՅԻՇԱՏԱԿԻՆ

0
24

Կիրակի, 17  Նոյեմբերին,  Էջմիածնի  Մայր Տաճարին մէջ պիտի կատարուի Սուրբ  եւ Անմահ  Պատարագ,  հոգեհանգստեան պաշտօն՝  Դամասկոսի  Սուրբ Թարգմանչաց   վարժարանի առջեւ  դժբախտ  պատահարի  զոհերու յիշատակին, ինչպէս նաեւ աղօթք՝ Սուրիոյ մէջ  խաղաղութեան  վերահաստատման  համար:

Դամասկոսի Պապ Շարքի կամարին մօտ գտնուող Ս. Սարգիս եկեղեցւոյ կից Ազգային Ս. Թարգմանչաց ճեմարանի աշակերտներու արձակումի պահուն, Ճեմարանի դրան առջեւ գտնուող փոխադրակառքերուն մօտ ինկած երկու հրթիռներու բեկորները պատճառած են հինգ զոհեր՝ չորս աշակերտ եւ վարորդը, եւ ութ վիրաւորներ՝ ուսուցչուհի մը եւ աշակերտներ: Զոհերու շարքին է վեց տարեկան հայ աշակերտ մը՝ Յովհաննէս Աթոքանեան, իսկ վիրաւորներու մէջ կան քանի մը հայ աշակերտներ, որոնք հիւանդանոց փոխադրուած են՝ համապատասխան դարմանում ստանալու համար:

Դամասկոսի Ազգային Միացեալ վարժարանը 12 Նոյեմբերը  յայտարարեց  սուգի օր, ի  յարգանք՝  զոհերու  յիշատակին:

LEAVE A REPLY

Please enter your comment!
Please enter your name here