ԻՐԱՆ – ԱՐԵՒՄՈՒՏՔ ԲԱՆԱԿՑՈՒԹԻՒՆՆԵՐՈՒ ՅԱՋՈՐԴ ՀԱՆԳՐՈՒԱՆԸ 11 ԴԵԿՏԵՄԲԵՐԻՆ

0
45

 Աթոմական Ուժանիւթի Միջազգային Գործակալութեան  եւ  Թեհրանի միջեւ  բանակցութիւններու յաջորդ  հանգրուանը  տեղի պիտի ունենայ  11  Դեկտեմբերին, Ժընեւի մէջ: Իրանի  արտաքին գործոց նախարար Մուհամմէտ Ճաուատ  Զարիֆ յոյս յայտնեց, որ  Աթոմական Ուժանիւթի Միջազգային Գործակալութիւնը արդիւնաւէտ դեր կը խաղայ միջուկային   թղթածրարի  լուծման  մէջ:

Միւս կողմէ, Թեհրան եւ  Միջազգային Ելեւմտական Հիմնարկը սկսան  քննարկել  Իրանի  դրամայորդումը  յաղթահարելու, տնտեսական աճը վերականգնելու կարելիութիւնները: Ուշագրաւ այլ զարգացումի մը  մէջ,  Միացեալ  Նահանգներու պետական  քարտուղարութեան խօսնակ Մարի Հարթ  յայտարարեց, թէ  Ուաշինկթըն չի   փափաքիր նոր  պատժամիջոցներ  սահմանել Իրանի դէմ:

Ռուսիոյ արտաքին գործոց նախարարութիւնը ամբողջութեամբ հերքեց  Իրանի եւ Վեցեակի   միջեւ  բանակցութիւններուն վերաբերեալ պետական քարտուղար  Ճոն Քերրիի յայտարարութիւնը:  Ռուսիոյ արտաքին գործոց նախարարութիւնը  ընդգծեց, թէ  Իրան   ոչ մէկ  մեղք ունէր   բանակցութիւններու  կասեցումին  հետ :  Նախապէս Քերրի  յայտարարած էր, թէ  ժընեւեան բանակցութիւններու  ձախողութեան պատասխանատուութիւնը կ’իյնար  Իրանի ուսերուն վրայ:  Ան միաժամանակ  հերքած էր  Վեցեակի անդամներուն միջեւ  տարաձայնութիւններու առկայութիւնը:

LEAVE A REPLY

Please enter your comment!
Please enter your name here