ԲՐԻՏԱՆԻԱ Կ’ԱՃԱՊԱՐԷ ԿԱԶՄԱԿԵՐՊԵԼՈՒ «ԺԸՆԵՒ-2» ԽՈՐՀՐԴԱԺՈՂՈՎԸ

0
41

Բրիտանիոյ  արտաքին  գործոց նախարար Ուիլիյըմ  Հէյկ  յոյս յայտնեց  մինչեւ տարեվերջ  կայացնել   «Ժընեւ-2» խորհրդաժողովը:   Հէյկ դիտել տուաւ, որ  «Ժընեւ-2»ն անհրաժեշտ է  կարելի  եղածին  չափ   արագ  կազմակերպել:  Նշենք, թէ  25  Նոյեմբերին,  Սուրիոյ հարցով ՄԱԿ-ի եւ Արաբական Լիկայի  պատուիրակ Լախտար Իպրահիմի  հանդիպում մը պիտի  ունենայ  Ռուսիոյ  եւ Միացեալ  Նահանգներու արտաքին    գործոց նախարարներուն հետ պիտի   քննարկէ  «Ռընեւ-2» խորհրդաժողովին  նախապատրաստութիւններուն  վիճակը:

Արեւմտեան պետութիւնները  մերժեցին   քիմիական զէնքերը   տեղափոխելու նպատակով  յատուկ սարքեր տրամադրելու  Սուրիոյ պահանջը:  Այն կասկածը ունենալով, որ իշխանութիւնները ծայրայեղականներուն  դէմ  կրնան  օգտագործել զանոնք: Դամասկոս կրնայ  Ռուսիոյ դիմել, մատակարարելու նման փոխադրամիջոց:« Ասոշիէյթըտ Փրէս» հաղորդեց, թէ   հակառակ  ՄԱԿ-ի եւ   տեղական իշխանութիւններու արգելքներուն,   Սուրիոյ  ծայրայեղականները  սուրիացի  գաղթականները կը մարզեն յորդանանեան գաղթակայաններու մէջ,  որպէսզի անոնք զէնք  վերցնեն սուրիական իշխանութիւններուն դէմ:  Ծայրայեղականներու այս  ծառայութիւնը  կը  հովանաւորէ ՍէուտականԱրաբիան:

Սուրիական  օդուժը կը  փորձէ  չէզոքացնել   Հալէպի արեւելքը գտնուող Քուէյրասի ռազմական օդակայանի պաշարումը: Ռազմական  վերլուծաբաններու  կարծիքով,  բանակը  կը ձգտի փակել Հալէպի  հարաւէն եւ արեւելքէն   ծայրայեղականներուն  մատակարարումները:

LEAVE A REPLY

Please enter your comment!
Please enter your name here