ԴԱՏԱԽԱԶՈՒԹԻՒՆԸ ԲԱՑԱՏՐՈՒԹԻՒՆՆԵՐ ԿՈՒ ՏԱՅ ՎԱՐԴԱՆ ՊԵՏՐՈՍԵԱՆԻ ԽԱՓԱՆՄԱՆ ՄԻՋՈՑԻՆ ՎԵՐԱԲԵՐԵԱԼ

0
29

  Հայաստանի գլխաւոր դատախազութիւնը հրապարակած է հաղորդագրութիւն մը, որուն մէջ նշած է, թէ նախաքննութեան ընթացքին գոյացած են բաւարար հիմքեր՝ մեղադրեալ Վարդան Պետրոսեանի նկատմամբ կալանաւորումը որպէս խափանման միջոց ընտրելու միջնորդութիւն ներկայացնելու համար:
Հաղորդագրութեան մէջ նշուած է.
«Նկատի ունենալով հանրային հետաքրքրութիւնը՝ դերասան Վարդան Պետրոսեանի նկատմամբ կալանաւորումը որպէս խափանման միջոց ընտրելու նախաքննութեան մարմնի միջնորդութեան եւ դատարանի կողմից այն բաւարարելու փաստի կապակցութեամբ, Հայաստանի գլխաւոր դատախազութիւնը յայտնում է.
Խափանման միջոց կիրառելը, իսկ առաւել եւս, կալանաւորումը, որպէս խափանման միջոց ընտրելը, չի հանդիսանում ինքնանպատակ եւ չի՛ կարող դրսեւորուել կամ ընկալուել, որպէս մեղադրեալի նկատմամբ կիրառուած պատիժ, այլ իր հիմքում ունի մեղադրեալի հնարաւոր վարքագիծը կանխելու, այն է՝ նախաքննութեան եւ դատական քննութեան բնականոն գործընթացը, դատավարական գործընթացին մեղադրեալի (կասկածեալի) մասնակցութիւնը, մեղադրեալի կողմից այդ գործընթացներին խոչընդոտելու հնարաւորութիւնը բացառելու եւ այլ նպատակներ:
Նախաքննութեան այս փուլում ձեռք են բերուել բաւարար հիմքեր՝ մեղադրեալ Վարդան Պետրոսեանի նկատմամբ կալանաւորումը որպէս խափանման միջոց ընտրելու միջնորդութիւն ներկայացնելու համար, ինչը բաւարարուել է դատարանի կողմից: Եթէ նախաքննութեան ցանկացած փուլում ի յայտ գան բաւարար հիմքեր, որոնք կը հիմնաւորեն մեղադրեալին կալանքի տակ պահելու անհրաժեշտութեան բացակայութիւնը, ապա դատավարական ղեկավարում իրականացնող դատախազի կողմից կը քննարկուի խափանման միջոցը վերացնելու կամ փոփոխելու հարցը:
Հայաստանի գլխաւոր դատախազութիւնը եւս մէկ անգամ վստահեցնում է, որ քրէական գործի նկատմամբ իրականացւում է պատշաճ վերահսկողութիւն եւ նախաքննութեան ընթացքում նոր ապացոյցների ձեռքբերման, ինչպէս նաեւ Հայաստանի գլխաւոր դատախազին ուղղուած միջնորդութիւնների քննարկման արդիւնքում քրէական գործի ընթացքի եւ կայացուելիք որոշումների վերաբերեալ հանրութիւնը պատշաճ կ՛իրազեկուի:
Միաժամանակ, տեղեկացնում ենք, որ հանրապետութեան նախագահի կողմից տրուել է յանձնարարական՝ վերանայելու կալանաւորումը որպէս խափանման միջոց ընտրելու օրէնսդրական հիմքերն ու դիտարկելու գործնական այլընտրանքային միջոցների ներդրման հնարաւորութիւնը՝ իրաւակիրառ պրակտիկայի յստակեցման եւ այդ տեսակի խափանման միջոցների ընտրութեան հիմքերի որոշակիութեան եւ կանխատեսելիութեան հիմնաւորմամբ, որի ուղղութեամբ դատախազութեան կողմից արդէն իսկ իրականացուող միջոցառումների վերաբերեալ հանրութիւնը ժամանակին կ՛իրազեկուի»:

 

LEAVE A REPLY

Please enter your comment!
Please enter your name here