ՀԱՅԱՍՏԱՆԻ ԱԶԳԱՅԻՆ ԺՈՂՈՎԸ ԴԷՄ ՔՈՒԷԱՐԿԵՑ ՂԱՐԱԲԱՂԻ ՀԱՆՐԱՊԵՏՈՒԹԵԱՆ ՃԱՆԱՉՄԱՆ ՕՐԻՆԱԳԻԾԻՆ

0
51

Հայաստանի Ազգային Ժողովը քուէարկութեամբ  մերժեց «Լեռնային Ղարաբաղի Հանրապետութեան Ճանաչման»  մասին օրէնքի նախագիծը: Կ’արժէ  նշել, որ «Օրինաց Երկիր», «Բարգաւաճ Հայաստան»  եւ «Հայ Ազգային  Գոնկրէս»  խմբակցութիւնները  չմասնակցեցան   քուէարկութեան:  Քուէարկութեան մասնակցեցան  11  երեսփոխաններ, որոնց տասը՝  կողմ քուէարկեց   օրինագիծին,  մէկը՝  մնաց ձեռնպահ: Կարգ մը անկախ   երեսփոխաններ նոյնպէս   չմասնակցեցան քուէարկութեան:

Նշենք, թէ Լեռնային Ղարաբաղի  հանրապետութեան անկախութիւնը  ճանչնալու օրինագիծը  խորհրդարանին ներկայացուցած  էր «Ժառանգութիւն» խմբակցութիւնը:  Ազգաին Ժողովի արտաքին յարաբերութիւններու  մնայուն  յանձնաժողովը դրական եզրակացութիւն  չէր տուած օրինագիծին, սակայն  երեսփոխան Զարուհի  Փոստանջեան դիմած էր Ազգային Ժողովի նախագահ Յովիկ Աբրահամեանին՝  օրինագիծը արտահերթ քննարկման դնելու առաջարկով:

 

LEAVE A REPLY

Please enter your comment!
Please enter your name here