ՆԱԽԱԳԱՀԸ ՎԵՐԱՀՍԿԻՉ ՄԱՐՄԻՆՆԵՐԷՆ ՊԱՀԱՆՋԵՑ ԱՒԵԼԻ ԱՉԱԼՈՒՐՋ ՀԵՏԵՒԻԼ ԻՐԵՆՑ ԱՇԽԱՏԱՆՔԻՆ

0
36

Հանրապետութեան  նախագահ  Միշէլ  Սըէյման  իր այցելուներուն  յայտնեց, թէ կ’աշխատի  համախմբող կառավարութիւն մը  կազմել՝  Սէուտական Արաբիոյ եւ Սաատ  Հարիրիի  աջակցութեամբ:  Սըլէյման  մաղթեց, որ  քաղաքական  հոսանքները կը մեղմացնեն  երկրին մէջ տիրող լարուածութիւնը:  Նախագահը  վերահսկիչ  մարմիններէն  պահանջեց աւելի  հետեւողական եւ աչալուրջ  ըլլալ իրենց պարտակաութիւնները կատարելու ընթացքին:

 Լիբանանեան  զարգացումներուն հետեւորդ  վերլուծաբաններ  յայտնեցին, թէ   հակառակ երկարատեւ նախապատրաստութիւններուն,   նախագահ Սըլէյմանի  այցելութիւնը Ռիատ՝  բաւական հեռու  է  ակնկալուած արդիւնքէն:  Սէուտական Արաբիա  առաւել եւս  բարձրացուցած է   Հըզպալլայի  հանդէպ իր  ոճը: Լիբանանեան «Ան Նահար» օրաթերթը, տեղեկութիւնները  Սաատ Հարիրիէն քաղելով, կը գրէ թէ վերջինս  նախագահ Սըլէյմանին  փոխանցած է  թէ Մարտ 14-ի ուժերը մաս պիտի  չկազմեն  նոր կառավարութեան, մինչեւ  Հըզպալլայի  զինեալներուն հեռացումը Սուրիայէն:  Սակայն միեւնոյն «Ան Նահար» օրաթերթը,  նախագահ Սըլէյմանի  մօտիկ աղբիւրներուն հաւաստմամբ կը գրէ, թէ    նոր կառավարութեան թղթծարարը չէր  քննարկուած  Ռիատի մէջ:

Միւս կողմէ,  նախագահ Սըլէյման,   սէուտական «Ալ Ուաթան» օրաթերթին տուած  հարցազրոյցին մէջ,Սուրիոյ հակամարտութեան մասնակցող լիբանանեան կողմերէն կը պահանջէ  վերադառնալ Լիբանան:

Այլ գետնի վրայ,  լրատուական  աղբիւրներ հաղորդեցին, թէ նախագահ Սըլէյման սոյն ամսուան 18-ին պիտի  մեկնի  Քուէյթ, մասնակցելու՝ արաբափրիկեան երրորդ  գերաստիճանին:

Նախագահ  Սըլէյման երէկ առաւօտեան Պաապտայի  պալատին մէջ  ընդունեց  հրաժարեալ վարչապետ  Նեժիպ Միքաթին եւ անոր իրազեկեց  Սէուտական Արաբիոյ մէջ ունեցած հանդիպումներուն   մթնոլորտը: Նախագահ  Սըլէյման  խորհրդակցական նիստ մը գումարեց  վերահսկիչ մարմիներու  ներկայացուցիչներու հետ:  Ան նաեւ  ընդունեց  Լիբանանի մօտ Հարաւային Քորէայի,  Զուիցերիո, դեսպանները, Ազատական Կուսակցութեան պետ  Տորի Շամունը եւ նախկին  երեսփոխան Միխայէլ Տահերը:

Հրաժարեալ վարչապետ Նեժիպ Միքաթի,  վարչապետարանին մէջ ընդունեց դրամատուներու միութեան նախագահ Ֆրանսուա Պասիլը: Հանդիպումը աւարտելէ ետք,  Պասիլ յայտարարեց, թէ  կառվարութիւնը  չի կրնար   մնայուն ապաւինիլ դրամատուներուն կարեկցութեան:  Պասիլ ընդգծեց, թէ  ելեւմտական կացութիւնը բարելաւելու  համար անհրաժեշտ  են բարեկարգութիւններ:

LEAVE A REPLY

Please enter your comment!
Please enter your name here