ՍՈՒՐԻԱԿԱՆ ԲԱՆԱԿԸ ԿԸ ՍԵՂՄԷ ԱՀԱԲԵԿԻՉՆԵՐՈՒՆ ՕՂԱԿԸ

0
23

Ռուսիոյ արտաքին գործոց  նախարար Սերկէյ  Լաւրով   հեռաձայնային   հաղորդակցութիւն մը  ունեցաւ  Իսրայէլի   իր պաշտօնակիցին  Ավիկտոր Լիպերմանի հետ  եւ քննարկեց  Սուրիոյ հակամարտութիւնը:  Գերմանիոյ արտաքին գործոց  նախարար   Կիւտօ Ուեսթերվելէ  դիտել  տուաւ, թէ  Արաբական Միացեալ Էմիրութիւններու հետ կ’ուսումնասիրէ Սուրիոյ  վերաշինութեան  նպատակով  սնտուկ մը ստեղծելու  կարելիութիւնները:

Այսպէս կոչուած  ազատ բանակը  ընդհանուր զօրակոչ  յայտարարեց՝ կասեցնելու օրինական բանակին  մուտքը  Հալէպ:    Օտար լրատուական  աղբիւրներ կը հաղորդեն, թէ   Դամասկոսի մէջ բանակին արձանագրած յաջողութիւններուն  լոյսին տակ, «Տաաշ» եւ անոր նման  ծայրայեղական կազմակերպութիւններու հետեւորդ   զինեալներ սկսած են հեռանալ Հալէպի, Ռաքայի շրջաններէն: Բանակը նաեւ փակեց  մայրաքաղաքի հարաւային կողմէն  ահաբեկչական  գործողութիւններ կատարելու ծայրայեղականներուն  ճանապարհները: Հալէպի  կարգ մը շրջաններու մէջ  վերադարձաւ ելեկտրականութիւնը:

Բրիտանական «Տը Կարտիըն» օրաթերթը կը  գրէ, թէ  Սուրիոյ  ընդդիմութեան համար առաջնայնութիւնը  իսլամական «շարիայի»  վրայ  հիմնուած  պետութիւն մըն  է  եւ  ոչ՝   նախագահ Ասատի հեռացումը  իշխանութենէն: Ծայրայեղականները  ներկայիս  ականուած ինքնաշարժերու  միջեւ խափանարարութեան կը դիմեն  համեմատաբար խաղաղած շրջաններու մէջ:

LEAVE A REPLY

Please enter your comment!
Please enter your name here