ՀԱԿԱՀԱՅ ԿՈՉԵՐ՝ ԷՐԶՐՈՒՄԻ ԱՆՈՒՆԸ ՓՈԽԵԼՈՒ ԴԻՄՈՒՄԻՆ ԴԷՄ ԲՈՂՈՔՈՂՆԵՐԷՆ

0
35

Քրտամէտ Խաղաղութիւն եւ Ժողովրդավարութիւն կուսակցութենէն երեսփոխան Ալթան Թան վերջերս Թուրքիոյ խորհրդարան յղեց դիմումնագիր մը, պահանջելով Էրզրումի եւ կարգ մը գաւառներու անունները փոխել:
Երեքշաբթի, Նոյեմբեր 12ին, Էրզրումի մէջ խումբ մը ցուցարարներ Թանի այս առաջարկին դէմ ցոյց մը կատարեցին՝ բարձրացնելով թրքական դրօշակ ու վերտառութիւններ, որոնցմէ մէկուն  վրայ գրուած էր հետեւեալը. «Բոլորդ հայ էք. խելօք եղէք, այլապէս՝ մենք ձեր խելքը կ՛առնենք»։
Ցոյցը կազմակերպուած էր «Գամու-Սեն» արհեստաւորական միութեան կողմէ, որուն ներկայացուցիչ Միւֆիթ Պայրաքտար ըսաւ. «Թանի դիմումնագիրը կը նշանակէ՝ իր չափը չգիտնալ։ Եթէ ան կը հիմնուի Ժողովրդավարացման ծրարին վրայ, այս ծրարը մեր տեսակէտով դաւաճանութեան ծրար է։ Ալթան Թանի այս դիմումնագիրը կը նոյնանայ հայերու Մեծն Հայաստան երազին հետ եւ ասիկա ուրիշ բան չէ, եթէ ոչ պատրաստութիւն մը 2015 թուականի։ Մեծն թուրք ժողովուրդը, եթէ ատենը գայ, կրնայ դարձեալ պատասխանել։ Այնքա՛ն ատեն, որ մենք կանք, դուք ձեր երազները պիտի չկարենաք իրականացնել»։
Թանի դիմումնագիրին մէջ կ՛առաջարկուի, որ Էրզրումը կոչուի Էրզերոմ, իսկ ցուցարարները ըստ երեւոյթին լուր չունին, որ հայերը Էրզրումը Կարին կը կոչեն, ոչ թէ Էրզերոմ։

 

LEAVE A REPLY

Please enter your comment!
Please enter your name here