Թուրքիան 2015 Թուականին Ընդառաջ Պէտք Է Ներողութիւն Խնդրէ Հայերէն. Հասան Ճեմալ

0
13

Անհրաժեշտ է, որպէսզի Թուրքիան 2015 թուականին ընդառաջ հասկնայ 1915 թուականին հայերու ապրած ցաւը, կիսէ այն եւ ներկայացնէ հանրութեան: Ինչպէս կը հաղորդէ «Արմէնփրէս»-ը, այս մասին թրքական T24 լրատուամիջոցին մէջ հրապարակած իր յօդուածին մէջ գրած է թուրք լրագրող, հրապարակախօս Հասան Ճեմալը` անդրադառնալով Հայոց ցեղասպանսութեան հարիւրամեայ տարելիցին եւ անոր վերաբերեալ Թուրքիոյ բռնած դիրքորոշման:

«Հայերը Անատոլիոյ մարդիկ են: Անոնց արմատները, հայրենիքը Անատոլիոյ հողին մէջ են: Հայերն ալ քիւրտերու  պէս կ’ապրէին Անատոլիոյ մէջ դեռեւս նախքան այստեղ թուրքերու յայտնուիլը: Ճշմարտութիւնը այն է, որ Թուրքիան մինչեւ օրս չէ ընդունած, որ հայերը այս հողի մարդիկը եղած են եւ 1915 թուականին պոկուած են իրենց արմատներէն, տուներէն, հայրենիքէն: Թուրքիան` թէ’ որպէս պետութիւն, թէ’ որպէս հասարակութիւն 1915-1916 թուականներու հայերու ապրած ցաւերը ո’չ
հասկցաւ, ո’չ ալ կիսեց: Թուրքիան մինչեւ օրս չի գիտակցեցաւ, որ Օսմանեան կայսրութեան` իթթիհատականներու` «մարդկութեան դէմ գործած յանցագործութիւնները» իր վրայ վերցնելով հայերու առջեւ առնուազն պարտք ունի ներողութիւն խնդրելու»,- կը գրէ Ճեմալը:

Խօսելով արդէն 2015 թուականի շեմին ըլլալու մասին, ան կարծիք կը յայտնէ, որ Թուրքիան` իբրեւ պետութիւն, պէտք է խաթարէ հայերու ապրած ցաւերու նկատմամբ իր լռութիւնը եւ այդպիսով փոխէ քաղաքական եւ բարոյական տեսանկիւնէն այս սխալ քաղաքական գիծը: «Թուրքիոյ եւ Հայաստանի միջեւ սահմանը պէտք է բացուի: Երկու երկիրներու միջեւ պէտք է դիւանագիտական յարաբերութիւններ
հաստատուին: Այս երկու քայլերը պէտք է ըլլան առանց նախապայմաններու:

Թուրքիան` որպէս պետութիւն, պէտք է ներողութիւն խնդրէ հայերէն կամ առնուազն ներողութիւն հայցող ժեստ կամ ժեստեր ընէ»,- ըստ  Ճեմալին: Անանհրաժեշտ հրամայական կը համարէ, որպէսզի հայերու վերաբերեալ խտրական, նուաստացնող, քննադատող պետական դիրքորոշումը պատմութեան գիրքերէն սկսեալ փոխուի: Ճեմալը կարեւոր կը համարէ Թուրքիա-Հայաստան-Սփիւռք եռակողմ
յարաբերութիւնները եւ երկխօսութիւնը սկսելու նախապայմաններ ստեղծուիլն ու այս նպատակով համատեղ հարթակներ ձեւաւորուիլը:

Հասան Ճեմալը Հայոց ցեղասպանութիւնը ծրագրաւորած եւ իրականացուցած դահիճներէն մէկուն` Ճեմալ փաշայի թոռն է, որ ընդունած է Ցեղասպանութեան փաստը եւ ներողութիւն  խնդրած հայերէն: Այցելելով Հայաստան` ան այցելած է ծիծեռնակաբերդ` Հայոց ցեղասպանութեան զոհերու յիշատակին նուիրուած յուշահամալիրը, ուր ծաղիկ տեղադրած է եւ խոնարհած հայ նահատակներու
յիշատակին:

LEAVE A REPLY

Please enter your comment!
Please enter your name here