ԵԱՀԿ՝ Լ.Ղ. ՀԱԿԱՄԱՐՏՈՒԹԻՒՆԸ ՉՈՒՆԻ ԽԱՂԱՂ ԿԱՐԳԱՒՈՐՈՒՄԷՆ ՏԱՐԲԵՐ ԱՅԼԸՆՏՐԱՆՔ

0
52

 Վիեննայի մէջ,   ԵԱՀԿ  Մնայուն  Խորհուրդի  նիստին ընթացքին,  Միացեալ Նահանագներու ներկայացուցիչ  Տանիէլ  Պէր   յայտարարեց, թէ   գոյութիւն չունի   Լեռնային Ղարաբաղի հակամարտութեան խաղաղ կարգաւորման այլընտրանք: ԵԱՀԿ Մինսքի Խումբի համանախագահները մասնակցեցան  Վիեննայի մէջ ԵԱՀԿ Մնայուն  Խորհուրդի նիստին:
Միջնորդները ելոյթ ունեցան Մնայուն Խորհուրդի անդամներուն առջեւ եւ յայտնեցին  Լեռնային Ղարաբաղի հիմնախնդիրի կարգաւորման աջակցելու իրենց պատրաստակամութիւնը:
Անոնք խորհուրդին տեղեկացուցին  բանակցային գործընթացին, մասնաւորապէս՝ Նոյեմբերի վերջաւորութեան Ատրպէյճանի եւ Հայաստանի նախագահներուն միջեւ կայանալիք հանդիպման մասին:
ԵԱՀԿ Մնայուն Խորհուրդի նիստը կը կայանայ իւրաքնչիւր  Շաբաթ եւ Հինգշաբթի օրերը: Մնայուն Խորհուրդը նշեալ կազմակերպութեան հիմնական կառոյցներէն է եւ կը կայացնէ  որոշումներ, ինչպէս նաեւ  քաղաքական խորհրդատուութիւններ: Մնայուն Խորհուրդի նախագահը կ՛ըլլայ ԵԱՀԿ-ը նախագահող պետութեան ներկայացուցիչը:
 Նշենք, թէ  ԵԱՀԿ-ի համանախագահները, 4  եւ 5  Նոյեմբերին տարծաշրջան այցելելէ ետք, հանդիպում մը  կազմակերպեցին  Հայաստանի եւ Ատրպէյճանի նախագահներուն միջեւ՝ Նոյեմբեր ամսուան վերջաւորութեան:  Հանդիպման վայրը եւ ճշգրիտ թուականը ցարդ չեն որոշուած:

LEAVE A REPLY

Please enter your comment!
Please enter your name here