ԻՐԱՆ – ՎԵՑԵԱԿ ԲԱՆԱԿՑՈՒԹԻՒՆՆԵՐԸ՝ 21-22 ՆՈՅԵՄԲԵՐԻՆ

0
14

Իրանի  վերաբերեալ Աթոմական Ուժանիւթի  Միջազգային Գործակալութեան նոր տեղեկագիրը կը  յայտնէ, թէ  Թեհրան  ժամանակաւորապէս  դադրեցուցած է   իր միջուկային  ծրագիրները  ընդլայնելու աշխատանքները:  Տեղեկագիրը  կ’ընդգծէ, թէ   վերջին երեք ամիսներուն ընթացքին, Իրանի միջուկային  կեդրոնները չեն  ընդարձակած իրենց  գործունէութիւնը: Նշենք, թէ  Իրանի եւ միջազգային  միջնորդներու՝ Վեցեակի (ՄԱԿ-ի Ապահովութեան  Խորհուրդի  մնայուն  հինգ անդամները, առաւել Գերմանիա)  բանակցութիւններու   հերթական հանդիպումը տեղի պիտի ունենայ 21-22  Նոյեմբերին:

Միացեալ Նահանգներու  նախագահ  Պարաք Օպամա  Գոնկրէսէն պահանջեց նոր պատժամիջոցներ  չսահմանել Իրանի դէմ:   Իրանի պաշտպանութեան նախարար  Գնդապետ Հիւսէյն  Տահղան  յայտարարեց, թէ  Թեհրան  լուրջ բանակցութիւններ կը վարէ  Վեցեակին հետ: Ան՝ կատակ որակեց իր երկրին ուղղուած Իսրայէլի սպառնալիքները:

LEAVE A REPLY

Please enter your comment!
Please enter your name here