ԹԻՄՈՇԵՆՔՕ ԹԵԿՆԱԾՈՒ ՈՒՔՐԱՆԻՈՅ ՆԱԽԱԳԱՀԱԿԱՆ ԸՆՏՐՈՒԹԻՒՆՆԵՐՈՒՆ

0
61

Ուքրանիոյ խորհրդարանը նախագահ Վիքթոր  Եանուքովիչը  պաշտօնանկ յայտարարելէ ետք, ապահովական  մարմիններ  բանտէն ազատ արձակեցին  ընդդիմութեան  ղեկավար Եուլիա Թիմոշենքօն: Վերջինս, անմիջապէս  փոխադրուեցաւ հիւանդանոց, ուր բժշկական  ստուգումներէ անցնելէ  ետք, ուղղուեցաւ Քիեւի Մայտան հրապարակը:   Թիմոշենքօ պահանջեց  հրապարակաւ  դատապարտել նախագահ Եանուքովիչը եւ պատժել  բոլոր  յանցագործները: Թիմոչենքօ մերժեց ստանձնել վարչապետի  պաշտտօնը եւ  թեկնածութիւնը յայտարարեց նախագահական  յաջորդ  ընտրութիւններուն:  Ուքրանիոյ խորհրդարանը քուէարկեց  նախագահ  Եանուքովիչի   լիազօրութիւնները  խորհրդարանի նոր նախագահ՝ Ալեքսանտր  Թուրչինովին փոխանցելու օրինագիծ մը:

Ընդդիմութիւնը   պաշարեց նախագահ  Վիքթոր Եանուքովիչի ապարանքը: Վերջինիս կուսակիցները   զինք   դատապարտեցին  դաւաճանութեան եւ  կուսակցութիւնը  «նեխած  ընտանիք»ի վերածելու   յանցանքով:

Ռուսիոյ արտաքին գործոց նախարար Սերկէյ  Լաւրով,  Գերմանիոյ,  Լեհաստանին եւ  Ֆրանսային  կոչ ըրաւ, ազդելու՝  Ուքրանիոյ ընդդիմութեան վրայ:  Բրիտանիոյ արտաքին գործոց  նախարար Ուիլըմ Հէյկ՝  Միջազգային Ելեւմտական Հիմնարկէն  պահանջեց    օժանդակութեան  ձեռք մեկնել Ուքրանիոյ:  Ուաշինկթընի մէջ, Սպիտակ Տան   խօսնակ Ճէյ Գառնի  պատրաստակամութիւն յայտնեց  յանուն  միացեալ Ուքրանիայի  գործակցելու Ռուսիոյ եւ  Եւրոպական Միութեան հետ:   Ռուսիոյ արտաքին  գործոց նախարար Սերկէյ Լաւրով եւ  Միացեալ Նահանգներու պետական քարտուղար  Ճոն Քերրի   հեռախօսազրոյցի  մը ընթացքին  քննարկեցին  Ուքրանիոյ  իրավիճակը: Նախագահ  Վլատիրմիր  Փութին  հեռախօսազրոյց մը ունեցաւ  Գերմանիոյ   վարչապետ Անկելա Մերքէլի հետ: Անոնք   համաձայնեցան  պահպանելու  Ուքրանիոյ տարածքային ամբողջականութիւնը:

LEAVE A REPLY

Please enter your comment!
Please enter your name here