ՆՇՄԱՐ ԻՆՉՈ՞Ւ ԶԱՐՄԱՆԱԼ…

Նախագահ Պարաք Օպամա զարմանք կը յայտնէ Գոլորատօ նահանգի շարժապատկերի սրահներէն մէկուն մէջ պատահած ողբերգութեան, ուր 24-ամեայ խելագար մը արագահարուածի մը օգնութեամբ սպաննեց 14 հանդիսատեսներ: Առնուազն 40 ուրիշներ վիրաւորուեցան: Արագահարուածին խանգարումը խնայեց զոհերուն թիւը: Ինչո՞ւ կը զարմանայ ամերիկայի նախագահը, երբ «մարդասպանութեան մշակոյթըե դարձած է ամերիկեան քարոզչական միջոցներուն հիմնական դրամագլուխը:
Բարոյական ո՞ր չափանիշներուն մասին կը խօսի Օպաման, երբ հոլիվուտեան արտադրութիւններու մեծամասնութիւնը երիտասարդութիւնը կը դաստիարակեն անբարոյութեան, մարդասպանութեան, անհաւատարմութեան, ընտանեկան աւանդութիւններու փլուզման որոմներով…: Այն ինչ կատարեցին Պըն Լատինը եւ Հոլմզը ամերիկեան ժապաւէններէն սորվեցան…:
Տակաւին նորերս, «գայթակղութիւնեներու թագուհի Մատոնան, Էտինպըրկի մէջ ունեցած համերգին ընթացքին, խախտելով օրէնքը եւ անտեսելով Սկովտիոյ ոստիկանութեան խնդրանքը` ատրճանակ մը բարձրացուց իր ունկնդիրներուն առջեւ… ապա կատակեց, թէ թիկնապահներէն վերցուցած ատրճանակը կեղծ էր: Չենք զարմանար, եթէ վաղը Մատոնայի նախատիպով նոր «Հոլմզե մը յայտնուի համերգի բեմերուն վրայ… Տակաւին չխօսինք Իսթանպուլի մէջ Մատոնայի կիսամերկ ելոյթին մասին:
www.araraddailynews.com

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button

 

STAINLESS STEEL