ՊԱՅԹՈՒՄ ՀԱԼԷՊԻ ՄԷՋ

 

Այսօր՝  Չորեքշաբթի առաւօտեան, Հալէպի մէջ պատահած  երեք  պայթումներուն  հետեւանքով  սպաննուեցան  առնուազն  քառասուն անձեր: Պայթում մը պատահած է  Սաատալա Ալ  Ճապէր  հրապարակին  վրայ  գտնուող սպայական ակումբին մօտ: Պետական «Սուրիա» հեռատեսիլի կայանը հաղորդեց, թէ  ահաբեկիչները  իրագործած են  յաջորդական երեք պայթումներ:Ռուսիոյ արտաքին գործոց նախարար Սերկէյ  Լավրով դատապարտեց  Սուրիոյ հակամարտութեան մէջ Սէուտական Արաբիոյ, Լիպիոյ, Քաթարի եւ  Թուրքիոյ  տխուր դերակատարութիւնը: Լավրով  ըսաւ, թէ   Սուրիոյ  իրավիճակը  կրնայ զարգանալ  երկու սենարիօներով:«Այստեղ ամէն բան պարզ է:  Եթէ  այն հաւաստիքները, թէ այժմ առաջնային խնդիրը  մարդոց կեանքը  փրկել է, անկեղծ են, ապա պէտք է  իրականացնել այն, ինչ պայմանաւորուեցանք  Յունիսի  վերջաւորութեան  Ժընեւի մէջ:  Այսինքն՝ ստիպել  բոլորին դադրեցնել կրակը եւ նստիլ   բանակցութիւններու սեղանին շուրջ:  Եթէ  ոմանց համար  առաջնային խնդիրը Պաշշար Ասատը եւ անոր վարչակարգը տապալել է,  ապա մենք ոչինչով կրնանք օգնել: ՄԱԿ-ի Ապահովութեան Խորհուրդը  չզբաղիր նման   հարցով».  ըսաւ Լավրով:        Անոր խօսքերով, ընտրութիւնը  շատ պարզ է: « Գործընկերներուս  հետ իմ  զրոյցներուս ընթացքին, ես կը զգամ, որ անոնք շատ լաւ կը հասկնան այս երկու  սենարներուն միջեւ  ընտրանքի բացակայութիւնը:  Սա  շատ ցաւալի է» աւելցուց Ռուսիոյ արտաքին գործոց նախարարը:

Կարդացէք նաև

Leave a Reply

Your email address will not be published. Required fields are marked *

Facebook Iconfacebook like buttonTwitter Icontwitter follow button