Category Archives: Մշակութային

Կոմիտասի եւ Թումանեանի Յոբելեանները ԵՈՒՆՍՔՕ-ի Օրացոյցին Վրայ Են

Կոմիտասի եւ Յովհաննէս Թումանեանի ծննդեան 150-ամեայ յոբելեանները ընդգրկուած են ԵՈՆԵՍՔՕ-ի` Հռչակաւոր մարդոց եւ կարեւոր իրադարձութիւններու 2018-2019 թուականներու Օրացոյցին վրայ:

Ցեղասպանութեան Մասին Ֆիլմի Բեմադրիչը Չկրցաւ Թուրքերը Ստիպել Խօսիլ Տեսախցիկին Առջեւ. Variety

Variety ամերիկեան ամսագիրը ներկայացուցած է «Աւերելու մտադրութիւն» ֆիլմի բեմադրիչ Ճօ Պերլինկըրի հետ հարցազրոյցը:

Լոյս տեսաւ Դոկտ. Նորա Արիսեանի «Հայ Պատգամաւորները Սուրիոյ Խորհրդարանին մէջ 1928-2011» գիրքը

«Հորիզոն»-Գիտաշխատող, Սուրիոյ Խորհրդարանի անդամ (2016 թ.) դոկտ. Նորա Արիսեանի «Հայ Պատգամաւորները Սուրիոյ Խորհրդարանին մէջ 1928-2011» գիրքը, վաւերագրական ուսումնասիրութիւն մըն է հայերու խորհրդարանական կեանքին մասին, պարզաբանելու համար սուրիահայերուն ունեցած դերակատարութիւնը Սուրիոյ խորհրդարանական քաղաքական ոլորտին մէջ եւ յայտնաբերելու անոնց իսկական պատկերը՝ սուրիական շրջանակներուն մէջ, իրենց նախնիներուն Սուրիա հաստատուելէն ետք:

«Մանկական Եւրատեսիլ-2017»-ին Հայաստանը Պիտի Կարենայ Քուէարկել Միշային

«Մանկական Եւրատեսիլ-2017» երգի միջազգային մրցոյթի քուէարկութեան կարգին մէջ կարեւոր փոփոխութիւններ տեղի ունեցած են:

Համազգայինի «Գասպար Իփէկեան» Թատերախումբը Սկսաւ Ներկայացնել Հենրիք Իբսենի «Ժողովուրդի Թշնամին» Թատերախաղը

Անցնող շաբաթավերջին` Լիբանանի Համազգայինի «Գասպար Իփէկեան» թատերախումբը «Յակոբ Տէր Մելքոնեան» թատերասրահին մէջ երկու ելոյթներով ներկայացուց Լեւոն Շանթի թարգմանութեամբ Հենրիք Իբսենի «Ժողովուրդի թշնամին» թատերախաղը` բեմադրութեամբ Սուրէն Խտըշեանի, կը հաղորդէ “Ազդակ”-ը:

Արցախցի Երիտասարդ Դաշնակահարուհին Միջազգային Մրցոյթ-փառատօնին Արժանացած է «Կրան-փրի» Մրցանակի

Ստեփանակերտցի երիտասարդ դաշնակահարուհի Անահիտ Առուշանեան  22 Հոկտեմբերին մասնակցած է Քանարեան կղզիներու մէջ տեղի ունեցած սպանական ամենամեայ միջազգային «Stars at Tenerife» մրցոյթ-փառատօնին եւ արժանացած «Կրան-փրի» մրցանակի:

Ցեղասպանութեան Նուիրուած «Ինթենթ Թու Տիսթրոյ»-ը` «Doc La.»-ի Լաւագոյն Վաւերագրական Ժապաւէնը

«Տետլայն» /Լոս Անճելըս

Հայոց ցեղասպանութեան նուիրուած «Խոստումը» ժապաւէնի արտադրութեան եւ Ցեղասպանութեան ուրացման արշաւին առնչուող «Ինթենթ թու տիսթրոյ» ժապաւէնը ընտրուած է «Doc LA.» շարժապատկերի փառատօնի լաւագոյն վաւերագրական ժապաւէնը:

Արմէն Մովսիսեան. Կեանքը` Երգով

Գրեթէ տասը տարուան բացակայութենէ ետք, հեղինակային հարազատ երգերու հայրենի մեկնաբան Արմէն Մովսիսեան երէկ` կիրակի, 5 նոյեմբերի երեկոյեան ժամը 8:00-ին «Յակոբ Տէր Մելքոնեան» թատերասրահին մէջ կրկին ժամադրուած էր լիբանանահայ արուեստասէրներուն հետ` անոնց հրամցնելու իր հին ու նոր երգերէն ընտրանի մը:

Հայ Աշուղական Երգի Անզուգական Մեկնաբան Վարդան Պատալեան Եւ «Շերամ» Համոյթը Հոգեկան Բերկրանքի Պահեր Պարգեւեցին Լիբանանահայ Արուեստասէր Հասարակութեան

Հայ մշակոյթին կեանք եւ ոգի ներարկող հայ երաժշտութիւնը մեր ժողովուրդի պատմութեան մէջ առանցքային դեր եւ տեղ ունի: Հայ գուսաններն ու աշուղները օրին իրենց ստեղծագործութիւններով հայ մշակոյթի անդաստանին մէջ անուրանալի աւանդ մը ձգեցին` քաջ գիտնալով, որ անոնք հայապահպանման առաքելութեան նպաստող ազդակներ են: Փաստօրէն, 21-րդ դարուն արուեստասէր հասարակութիւնը եւ ի մասնաւորի լիբանանահայ գաղութը անյագօրէն եւ անհամբեր կը սպասեն աշուղական երգերու համերգի կայացման:

Գրքասէր – Առցանց Գրադարան

www.grqaser.org կայքին խմբագրութեան կողմէ հրապարակուած է հաղորդագրութիւն մը, որուն մէջ կը նշուի, որ նախորդ տարուան նոյեմբերին տեղի ունեցած է www.grqaser.org հայերէնով անվճար օտիօգիրքերու կայքի շնորհահանդէսը, որ բաւական լաւ ընդունելութեան արժանացած է:

Ցեղասպանութեան Նուիրուած «Ինթենթ Թու Տիսթրոյ»ը՝ «Doc LA.»ի Լաւագոյն Վաւերագրական Ֆիլմը

ԼՈՍ ԱՆՃԵԼԸՍ, «Տետլայն».- Հայոց Ցեղասպանութեան նուիրուած «Խոստումը» ֆիլմի արտադրութեան եւ Ցեղասպանութեան ուրացման արշաւին առնչուող «Ինթենթ Թու Տիսթրոյ» ֆիլմը ընտրուած է «Doc LA.» շարժապատկերի փառատօնի լաւագոյն վաւերագրական ֆիլմը:

Տպագրուած է Սփիւռքահայ Գրող Մովսէս Պչաքճեանի Երկերու Ժողովածուի 8-րդ Հատորը

Երբ տարիներ առաջ ընկերները նախաձեռնեցին Մովսէս Պչաքճեանի երկերու լիակատար ժողովածուի տպագրութիւնը, շատերը զարմացան` որքանո՞վ ճիշդ է գրողի կենդանութեան օրօք լիակատար ժողովածու տպել, բայց ընկերները գիտէին` ան ալ պիտի չգրէ:

Նոր հրատարակութիւններ

– Ամապիլէ Ֆլաւիա եւ Տոսաթթի Մարքօ, «Մուսա լեռան դիմադրութիւնը», «Արաս» հրատարակչութիւն, Սթամպուլ, 2017 (թարգմանութիւն իտալերէնէ թրքերէն):

Ոչ Եւս Է Գեղանկարիչ Սարօ Կալենց

ԵՐԵՒԱՆ.- Հինգշաբթի, 26 Հոկտեմբերին կեանքէն հեռացաւ գեղանկարիչ, փրոֆեսէօր, Հայաստանի նկարիչներու միութեան անդամ, Սարօ Յարութիւնի Կալենց: Այս մասին կը յայտնեն Հայաստանի նկարիչներու միութենէն:

Սարօ Կալենց ծնած է 1946-ին: Ան ՀԽՍՀ վաստակաւոր նկարիչ Յարութիւն Կալենցի եւ ՀԽՍՀ վաստակաւոր նկարիչ Արմինէ Կալենցի որդին էր: Աւարտելով Երեւանի Ղազարոս Աղայեանի միջնակարգ դպրոցի 8-րդ դասարանը, 1960-1965 թուականներուն յաճախած է Փ. Թերլեմեզեանի անուան նկարչական ուսումնարանը: 1965-1970 թուականներուն հետեւած է նկարչութեան եւ թեքսթիլ տիզայնի ճիւղերուն Երեւանի պետական գեղարուեստա-թատերական հիմնարկին մէջ, իսկ 1967-1968 թուականներուն յաճախած է Տալլինի (Էսթոնիա) գեղարուեստի հիմնարկը:

1971 թուականէն սկսեալ, Սարօ Կալենց շուրջ 20 տարի ապրած եւ աշխատած է Մոսկուայի մէջ: 1971 թուականին դարձած է ԽՍՀՄ եւ Հայաստանի նկարիչներու միութիւններու անդամ:

1973-1987 թուականներուն Սարօ Կալենցի ստեղծագործութիւնները մասնակցած են «Հայկական արուեստ» միջազգային խմբային ցուցահանդէսներու շարքին՝ Ռուսիոյ, Ֆինլանտայի, Պուլկարիոյ, Հնդկաստանի, Սրի Լանքայի, Սուրիոյ եւ Գանատայի մէջ:

1977-ին Համամիութենական սիմպոզիում-ցուցահանդէսին Վիլնիուսի մէջ (Լիթուանիա) Սարօ Կալենց արժանացած է Ոսկէ մետալի՝ «Առաւօտ Վիլնիուսի Մէջ» գործին համար:

1980-ական թուականներու վերջաւորութեան Սարօ Կալենց վերադարձած է Երեւան: Ան հրաւիրուած է դասաւանդելու Երեւանի պետական գեղարուեստի ակադեմիոյ մէջ: 1992-էն սկսեալ մասնակցած է Հայաստանի նկարիչներու միութեան ամէնամեայ ցուցահանդէսներուն:

1990-ականներուն, Սարօ Կալենց իրականացուցած է շարք մը ուղեւորութիւններ դէպի Եւրոպա եւ Ասիա, ունեցած է անհատական ցուցահանդէսներ Փարիզի (1998) եւ Նիկոսիոյ մէջ (1996):

2009-ին Սարօ Կալենց հիմնադրած է «Կալենց» մշակութային հիմնարկը: 2010-ի Ապրիլին՝ Յարութիւն Կալենցի 100ամեակին եւ Արմինէ Կալենցի 90-ամեակին առիթներով, Կալենց մշակութային հիմնարկի եւ Հայաստանի մշակոյթի նախարարութեան աջակցութեամբ բացուած է «Կալենց» թանգարանը:

Հելսինիքիի Փառատօնին «Վերջին Բնակիչը» Ապահոված Է Երկու Մրցանակ

ԵՐԵՒԱՆ.- Ջիւան Աւետիսեանի «Վերջին Բնակիչը» շարժապատկերը Հելսինքիի մէջ տեղի ունեցող Սկանտինաւեան միջազգային շարժապատկերի փառատօնին (Scandinavian International Film Festival) մրցանակներ ստացաւ՝ իբրեւ «Լաւագոյն գեղարուեստական շարժապատկեր» եւ «Լաւագոյն դերասան՝ Ալեքսանդր Խաչատրեան»:

Տոքթ. Զաքար Մկրեան Եւ Իր «Վկայութիւն Եւ Պատգամ» Հատորը

 Բժիշկ  Կարպիս Հարպոյեան

Ճանչցած եմ գործընկեր բժիշկ Զաքար Մկրեանը բժշկութեան ուսանողութեանս շրջանին եւ մասնագիտութեանս տարիներուն՝ 1960-1969 թուականներուն, «Ազդակ» օրաթերթին մէջ լոյս տեսած իր բժշկական-առողջապահական յօդուածներուն ընդմէջէն: Այդ տարիներուն մեծ հետաքրքրութեամբ կը կարդայի իր գրութիւնները եւ շատ բան կը սորվէի անոնցմէ: Բժշկական ուսանողական գիրքերուս կողքին, իր գրութիւնները կը նկատէի օժանդակ յաւելուածներ:

Էրտողանի Հրամանով Թուրքիոյ Մէջ Առգրաւած են Հայ Բանաստեղծուհիին Գիրքերը

Միացեալ Նահանգներ բնակող սփիւռքահայ բանաստեղծուհի Սոնա Վան Երեւանի մէջ լրագրողներուն պատմած է, թէ ցեղասպանութեան զոհերուն նուիրուած իր գիրքը ինչպէս առգրաւած են Թուրքիոյ մէջ: Այս մասին կը հաղորդէ Sputnik արմենիան:

Արեւմտահայերէնը Պետական Հոգածութեան Ներքոյ Է. Հրանոյշ Յակոբեան

Հոկտեմբեր 26-ին ՀՀ սփիւռքի նախարարութեան մէջ նախարարութեան նախաձեռնութեամբ, Լիբանանի մէջ ՀՀ դեսպանութեան, Լիբանանի Հայկազեան համալսարանի եւ ՀԲԸՄ Հայկական վիրտուալ համալսարանի աջակցութեամբ տեղի ունեցաւ արեւմտահայերէնի զարգացման, անաղարտութեան պահպանման, կանոնակարգման ռազմավարութեան եւ հեռահար ուսուցման վերաբերեալ տեսաժողով:

ՄԵԾԱՐԵՆՑԵԱՆ ԵՐԵԿՈՆԵՐ ԱՅՆՃԱՐԻ ԳԻՒՂԱՒԱՆԻՆ ՄԷՋ ՍԻԼՎԱ ԿԱՊՈՒՏԱԿԵԱՆ

Ուռենինե՜ր, շիթ – շիթ արցունք ցօղեցէք ,

Մինչ բուրմունքնիդ իմ հոգւոյս մէջ կ’ամպանայ,

Եւ այս չքնաղ անդորրութեան յեց՝ թող հէգ

Երազներու պահիկ մը գէթ հեշտանայ ,

Մ.Մ.

Համազգայինի «Լիւսի Թիւթիւնճեան» Ցուցասրահ. Հայաստանի Երիտասարդ Արուեստագէտներու «Ես Եմ» Ցուցահանդէսի Բացում` Հովանաւորութեամբ Նախարար Նուհատ Մաշնուքի

Կազմակերպութեամբ Համազգայինի «Լիւսի Թիւթիւնճեան» ցուցասրահին եւ հովանաւորութեամբ ներքին գործոց եւ քաղաքապետութիւններու հարցերու նախարար Նուհատ Մաշնուքի, երէկ` հինգշաբթի, 26 հոկտեմբեր 2017-ին տեղի ունեցաւ Հայաստանի երիտասարդ արուեստագէտներու «Ես եմ» ցուցահանդէսի բացման հանդիսութիւնը` «Լիւսի Թիւթիւնճեան» ցուցասրահին մէջ:

Facebook Iconfacebook like buttonTwitter Icontwitter follow button