3 Մայիսի երեկոյեան Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսը հովուապետական այցով մեկնած է Կրետէ (Յունաստան)` հանդիսապետելու Հերակլիոնի Ս. Յովհաննու Կարապետի հայկական եկեղեցւոյ 350-ամեակին նուիրուած ձեռնարկները:
Այս մասին կը յայտնեն Մայր Աթոռ Ս. Էջմիածինի տեղեկատուական համակարգէն:
Նորին Սրբութեան կ՛ուղեկցին Հայաստանի Աստուածաշնչային ընկերութեան գլխաւոր քարտուղար Գերաշնորհ Տ. Եզնիկ արքեպիսկոպոս Պետրոսեան, Ռուսաստանի եւ Նոր Նախիջեւանի Հայոց թեմի առաջնորդ Գերաշնորհ Տ. Եզրաս արքեպիսկոպոս Ներսիսեան, Մայր Աթոռի Սուրբ Էջմիածինի դիւանապետ Գերաշնորհ Տ. Արշակ եպիսկոպոս Խաչատրեան, Վեհափառ Հայրապետի գաւազանակիր Հոգեշնորհ Տ. Անանիա աբեղայ Ծատուրեան եւ Մայր Աթոռի Տեղեկատուական համակարգի տնօրէն Արժանապատիւ Տ. Վահրամ քահանայ Մելիքեան: