ՆՈՒԱՐԴ ՄԱՏՈՅԵԱՆ-ՏԱՐԱԳՃԵԱՆ
Ո՞ւր էր Ատրպէյճանը Աշխարհի Քարտէսին Վրայ,երբ Շուշին էր Հայ Մշակոյթի Կեդրոնը:
Ի՞նչպէս Շուշին կրնայ դառնալ Ատրպէյճանի մշակոյթի կեդրոն,երբ Ատրպէյճանը գոյութիւն չունէր աշխարհի քարտէսին վրայ:
Այլ միայն հարիւր տարի առաջ ձեւաւորուեցաւ Հայաստանի բռնագրաւուած հողերուն վրայ:
Հարկաւոր է ազերիներու յիշեցնել, որ Ղարաբաղը միշտ եղած է Հայաստանի անբաժան մասը: Մինչեւ այն ատեն, երբ 5 յուլիս 1921-ին Նարիմանովի սադրանքներով կը բեկանուէր Արցախը Հայաստանին միացնելու մասին 30 Նոյեմբեր 1920-ին հռչակուած որոշումը՝ 1Դեկտեմբերի հռչակագիրը,Կովկասեան բիւրոյի անօրինական որոշումով, եւ Ռուսաստանի լուռ համաձայնութեամբ:
Այս ուղղութեամբ հայ պատմագիտական միտքը եւ հայկական պետութիւնը, միջազգային մակարդակով պէտք է հակադարձեն Ալիեւի յոխորտանքներուն:
Պէտք է հակադարձել Ալիեւի պնդումներուն յիշեցնելով, որ իր ժխտող քաղաքականութիւը չունի պատմական հիմքեր:
Քաղաքականութիւն մը, որ կորսնցուցած է իր իմաստը, դարձած է ժամանակավրէպ յանկերգ մը, որուն կրնան հաւատալ պատմութեան անիրազեկ մարդիկ:
Վերջապէս աշխարհը պէտք է իմանայ՝ մի՞թէ պատմութեան ուրացումն ու խեղաթիւրումը կրնայ խախտել մարդկային իրաւունքներու անխախտ օրէնքները …: