ՅԱՅՏԱՐԱՐՈՒԹԻՒՆ
Երեքշաբթի, 22 Սեպտեմբերէն մինչեւ Ուրբաթ, 25 Սեպտեմբեր 2020, առաւօտեան ժամը 10։00-էն մինչեւ յետմիջօրէի ժամը 4։00, Ազգային Առաջնորդարանի Ընկերային Ծառայութեան Բաժանմունքը Ս․ Քառասնից Մանկանց եկեղեցւոյ շրջափակին մէջ կը կազմակերպէ «ԱՆՎՃԱՐ ՀԱԳՈՒՍՏԻ ԱՇԽԱՐՀ» ծրագիրը:
Յաջորդական չորս օրերու ընթացքին, Առաջնորդարանի Ընկերային Ծառայութեան Բաժանմունքը անվճար կերպով մեր ժողովուրդին տրամադրութեան տակ պիտի դնէ բոլորովին նոր կամ լաւ վիճակի մէջ եղող տարբեր տարիքներու վերաբերող հագուստեղէններ, որոնք անցնող ամիսներուն հաւաքուած են անհատներու եւ հաստատութիւններու նուիրատուութեամբ:
Ընկերային բաժանմունքին կողքին, աշխատանքին կամաւորաբար պիտի օժանդակեն եւ առողջապահական պայմաններուն հսկեն եկեղեցիներու տիկնանց յանձնախումբերը:
ԱԶԳԱՅԻՆ ԱՌԱՋՆՈՐԴԱՐԱՆԻ ԸՆԿԵՐԱՅԻՆ ԾԱՌԱՅՈՒԹԵԱՆ ԲԱԺԱՆՄՈՒՆՔ