ՊԱՔՈՒ.- Ատրպէյճանի, Թուրքիոյ, Իրանի եւ Վրաստանի արտաքին գործոց նախարարները 15 Մարտին Պաքուի մէջ քննած են «Հարաւ-Արեւմուտք» փոխադրամիջոցային միջանցքի ստեղծման հարցը:
Ատրպէյճանական «Մինվալ» կայքը կը հաղորդէ, որ այս մասին Ատրպէյճանի արտաքին գործոց նախարար Էլմար Մամետեարով ըսած է. «Այս նոր ձեւաչափը շատ կարեւոր է շրջանային համագործակցութեան համար: Մենք այսօր քննարկած ենք «Հարաւ-Արեւմուտք» փոխադրամիջոցային միջանցքի ստեղծման հարցը։ Անիկա պիտի միաւորէ մեր երկիրներն ու համագործակցութեան տարատեսակ կարելիութիւններ պիտի ստեղծէ»:
Այս միջանցքին ընդհանուր երկայնքը 5311 քիլոմեթր է: Անիկա կարելիութիւն պիտի ստեղծէ բեռներ տեղափոխելու Հնդկաստանի եւ Եւրոպայի միջեւ՝ զգալիօրէն արագացնելով փոխադրումները: