ԵՐԵՒԱՆ, «Սիվիլնեթ».- Հայաստանի դատախազութիւնը հաղորդեց, որ 2019-ին, թէ՛ հանրապետական եւ թէ մարզային բազմաթիւ ոլորտներու մէջ կատարուած են պետական շահերու պաշտպանութեան հարցադրումներով ընդհանուր առմամբ 1136 ուսումնասիրութիւններ՝ 2018-ին հետ բաղդատած՝ 12,5 տոկոսով աւելի:
Ուսումնասիրութիւններուն իբրեւ արդիւնք՝ պետութեան պատճառ դարձած վնասները վերականգնելու ուղղութեամբ միջոցներու ձեռնարկելու, պետական շահերը պաշտպանելու համար հայցեր յարուցելու, ինչպէս նաեւ պետական շահերու խախտումներու պատճառները եւ նպաստող պայմանները վերացնելու նպատակով պետական մարմիններուն ներկայացուած են ընդհանուր 158 հաղորդումներ եւ միջնորդագիրներ:
Այս բոլոր տուեալներէն ի յայտ եկած է, որ պետութիւնը կրած է 45 միլիառ դրամի ընդհանուր վնաս, մինչ այդ 2018-ին այդ ցուցանիշը եղած էր շուրջ 37 միլիառ դրամ: Այսինքն 2019-ին արդիւնքը նախորդ տարուան հետ համեմատած՝ աւելի մօտ է 21,6 տոկոսով: Յարուցուած քրէական գործերու, նաեւ դատարաններ ներկայացուած հայցերու ծիրին մէջ, միջոցներու կը ձեռնարկուին՝ բացայայտուած վնասը վերականգնելու ուղղութեամբ:
«Այսինքն 2018-2019թթ. պետական շահերի պաշտպանութեան ոլորտում կատարուած աշխատանքի շնորհիւ յայտնաբերուած՝ պետութեանը պատճառուած վնասը ընդհանուր կազմել է մօտ 82 միլիարդ դրամ, որը 2,5 անգամ գերազանցում է նախորդող 9 տարիների հանրագումարային արդիւնքը», կը նշուի դատախազութեան հաղորդագրութեան մէջ։
Դատախազութիւնը նաեւ տեղեկացուց, որ 2019-ին վերականգնուած է ընդհանուր առմամբ շուրջ 2,2 միլիառ դրամի վնաս, իսկ մնացեալ վնասը վերականգնելու ուղղութեամբ համապատասխան միջոցներու ձեռնարկուած են արդէն։