Գալուստ Կիւլպէնկեան հիմնարկութեան հայկական համայնքներու բաժանմունքի տնօրէն՝ դոկտ․ Ռազմիկ Փանոսեան այցելեց «Ազդակ»ի խմբագրատուն եւ տեսակցեցաւ տնօրէնութեան հետ։
Զրոյցի առաջին բաժինը կը վերաբերէր հայրենական վերջին ծանրագոյն իրադարձութիւններուն եւ անոնց ունենալիք հաւանական ազդեցութիւններուն մասին յատկապէս սփիւռքահայ տարբեր խաւերու վրայ։
Սփիւռքահայ կրթական ոլորտը, հանրային կարծիքի ուսումնասիրութեան համար կայացած հարցախոյզերու երեւոյթը, ինչպէս նաեւ արեւմտահայերէնի ուղղութեամբ կատարուող աշխատանքները ներառուած էին խորհրդակցութեան նիւթերուն։
Առանցքային բաժին էր արեւմտահայերէնով լոյս տեսնող մամուլի իրավիճակը եւ դիմագրաւած խնդիրները։
Յիշեցնենք, որ վաղը, երեկոյեան ժամը 8:00-ին, «Ազդակ»-ի «Փիւնիկ» սրահին մէջ դուտ․ Ռազմիկ Փանոսեան պիտի ներկայացնէ իր ղեկավարած բաժանմունքին տասնամեայ գործունէութեան զեկոյցը։