Երկուշաբթի, 16 սեպտեմբեր 2019-ի երեկոյեան ժամը 7:00-ին, Դամասկոսի «Ասատ» ազգային մատենադարանին կողմէ կազմակերպուած գիրքի 31-րդ ցուցահանդէսին ընթացքին, մշակոյթի նախարարութեան տաղաւարին մէջ տեղի ունեցաւ դոկտ. Նորա Արիսեանի թարգմանած` Պօղոս Սնապեանի պատմուածքներու «Աղքատներուն աւանդութիւնը» արաբերէն գիրքը:
Նշենք, որ «Աղքատներուն աւանդութիւնը» գիրքը հրատարակուեցաւ Սուրիոյ նախարարութեան Սուրիոյ գիրքի ընդհանուր տեսչութեան կողմէ:
Գիրքը կը բաղկանայ 135 էջերէ եւ կ՛ընդգրկէ Պօղոս Սնապեանի 7 պատմուածքներն ու անոր կենսագրականը:
Դոկտ. Նորա Արիսեանի թարգմանած «Աղքատներուն աւանդութիւնը» գիրքի շնորհահանդէսին ներկայ եղան` մշակոյթի նախարարը, «Ասատ» գրադարանի տնօրէնը, տեսչութեան տնօրէնը, Իրանի Իսլամական Հանրապետութեան դեսպանն ու բազմաթիւ արաբ մտաւորականներ եւ հայ գրականութեամբ հետաքրքրուողներ:
Դոկտ. Արիսեան ներկաներուն մեծ սիրով մակագրեց իր գիրքը: Պէտք է յիշել, որ սուրիական մամուլը մեծ ուշադրութեամբ լուսարձակի տակ առաւ Արիսեանի նոր հրատարակած աշխատութիւնը: