Ռուսաստանի նախագահ Վլատիմիր Փուտին Քրեմլի մէջ պետական պարգեւներ յանձնածէ: «Հայերն այսօր»-ը, յղում կատարելով Ռուսարմինֆոյին, կը յայտնէ, որ պարգեւներ ստացած են նաեւ Ռուսաստանի մէջ բնակող երեք ճանչցուած հայեր:
ՌԴ ֆութպոլի ֆետերասիոնի փոխնախագահ Նիկիտա Սիմոնեանին շնորհուած է Ռուսաստանի Դաշնութեան ֆիզիքական կրթութեան վաստակաւոր գործիչի պատուաւոր կոչում: RT հեռուստաընկերութեան գլխաւոր խմբագիր Մարգարիտա Սիմոնեան պարգեւատրուած է «Ալեքսանտր Նեւսկի» շքանշանով, իսկ Ռուսաստանի Առողջապահութեան եւ ընկերային զարգացման նախարարութեան գլխաւոր մանկաբարձ-կնոջաբան, Ռուսաստանի բժշկական գիտութիւններու ակատեմիայի ակատեմիկոս Լէյլա Ադամեան ստացած է «Հայրենիքին մատուցած ծառայութիւններ»-ու 2-րդ աստիճանի շքանշան: