Թուրքիոյ նախագահ Ռեճեփ Թայիփ Էրտողան դարձեալ խօսած է կովկասեան շրջանին մէջ խաղաղութեան հեռանկարներուն մասին: Այս մասին կը հաղորդէ «Ազատութիւն» ձայնասփիւռի կայանը:
Իր ղեկավարած Արդարութիւն եւ բարգաւաճում կուսակցութեան կեդրոնական գրասենեակին մէջ, շարք մը երկիրներու դեսպաններուն հետ ռամատանեան ընթրիքի` իֆթարի ժամանակ, Էրտողան ըսած է. «Ազրպէյճանի հողերուն ազատագրումով կարեւոր կարելիութիւն ստեղծուած է շրջանին մէջ խաղաղութեան հաստատման համար»:
«Այդ առիթը չկորսնցնելու համար` անկեղծօրէն կը շարունակենք մեր դրացի Հայաստանի հետ յարաբերութիւններու կարգաւորման հոլովոյթը», յայտարարած է Էրտողան: