Թուրքիոյ նախագահ Ռեճեփ Թայիփ Էրտողան հանդիպած է Ազրպէյճանի նախագահ Իլհամ Ալիեւին, որ եկած է Քոնիա` մասնակցելու Իսլամական համերաշխութեան 5-րդ խաղերու բացման արարողութեան:
Ազրպէյճանական լրատուամիջոցները կը հաղորդեն, որ հանդիպումը տեղի ունեցած է դռնփակ:
Զրոյցի ընթացքին ընդգծուած է բոլոր ոլորտներուն մէջ Անգարայի եւ Պաքուի միջեւ բարեկամական, եղբայրական եւ դաշնակցային կապերու յաջող զարգացումը:
Էրտողան անգամ մը եւս յայտնած է Լեռնային Ղարաբաղի մէջ վերջին իրադարձութիւններուն առնչուած Թուրքիոյ աջակցութեան մասին: Ալիեւ շնորհակալութիւն յայտնած է աջակցութեան համար:
Հանդիպումի ընթացքին միտքերու փոխանակում կատարուած է շրջանին մէջ յետպատերազմեան ժամանակաշրջանին վերաբերեալ, քննարկուած են նաեւ տնտեսական, ուժանիւթային, փոխադրամիջոցային եւ զինուորական ոլորտներուն մէջ համագործակցութեան վերաբերող հարցեր: