Թուրքիոյ նախագահ Ռեճեփ Թայիփ Էրտողան ուրբաթօրեայ նամազէն ետք լրագրողներու հետ զրոյցի ընթացքին յայտնեց. «Մօտ օրէն Ուքրանիա պիտի այցելեմ, եւ թերեւս հեռաձայնով խօսիմ Ռուսիոյ նախագահ Վլատիմիր Փութինի հետ կամ Մոսկուա այցելեմ: Ռուսիոյ հետ մեր յարաբերութիւնները լաւ ձեւով կը շարունակուին»:
«Ուքրանիոյ բռնագրաւումն ու անոր սահմաններուն ոտնահարումը շրջանի անվտանգութեան բացայայտ ոտնահարում մը կը նկատուի: Կրնանք Ռուսիոյ եւ Ուքրանիոյ միջեւ խաղաղութեան համար միջնորդութիւն կատարել», ըսաւ ան` շեշտելով. «Թուրքիան Ռուսիոյ եւ Ուքրանիոյ միջեւ յարաբերութիւններուն մէջ լարուածութիւնը չ՛ուզեր»: