ՖԻՖԱ-Ի նախագահ Ճիանի Ինֆանթինի, աշխարհի տարբեր ափերէ Պաշտօնական հիւրերու ներկայութեան, Քաթարի մայրաքաղաք Տոհայի մէջ մեկնարկեց ֆութպոլի աշխարհի 22-րդ առաջնութիւնը ( ՖԻՖԱ Ուորլտ Գափ 2022):
Աշխարհի առաջնութիւնը իւրայատուկ է այն իմաստով, որ կը կայանայ ձմռան եղանակին, առաջին անգամ ըլլալով Միջին Արեւելքի եւ արաբական երկրի մը մէջ:
Բացման պաշտօնական արարողութեան յաջորդեց բացման առաջին հանդիպումը՝ Քաթարի եւ Էքուատորի միջեւ:
Մոնտիալ 2022-ը վերջինն է, որուն կը մասնակցին 36 խումբեր: Յաջորդ Մոնտիալին 48-ի պիտի բարձրանայ մասնակցող խումբերուն թիւը:
Մոնտիալ 2022-ի աւարտական մրցումը պիտի կայանայ 18 դեկտեմբերին:
Վերադառնալով Քաթարի եւ Էքուատորի միջեւ բացման մրցումին: Ճակատումը վերջ գտաւ հարաւամերիկացիներու յաղթանակով՝ 2-0 (կիսախաղ՝ 2-0): Էննէր Վալենիսա ( 2 ), նշանակեց Էքուատորի կոլերը:
ԵՐԿՈՒՇԱԲԹԻ ՕՐՈՒԱՆ ՄՐՑՈՒՄՆԵՐՈՒՆ ՅԱՅՏԱԳԻՐԸ
Ա. ԽՄԲԱԿ
Սենեկալ ընդդէմ Հոլանտա ժամը՝ 18.00
Բ. ԽՄԲԱԿ
Անգլիա ընդդէմ Իրան ժամը՝ 15.00
Մ. Նահանգներ ընդդէմ Կալես (Ուէյլզ) ժամը՝ 21.00