Սուրիոյ արտաքին գործոց նախարար Ֆայսալ Մըքտատ ընկերային ցանցերու ճամբով յայտարարեց, որ «Իսրայէլ կրակի հետ կը խաղայ, եւ շրջանին մէջ ապահովական ու զինուորական կացութիւնները պայթումի վտանգի կ՛ենթարկէ»` շեշտելով. «Սուրիան իսրայէլեան իրերայաջորդ յարձակումներուն նկատմամբ լուռ պիտի չմնայ, եւ իսրայէլացիները ուշ կամ կանուխ գինը պիտի վճարեն»:
«Միացեալ Նահանգներն ու արեւմտեան պետութիւնները պէտք է պատասխանատուութիւն կրեն (Իսրայէլի) յարձակումին մէջ չափ ու սահման անցնելուն եւ շրջանի ու աշխարհի խաղաղութիւնն ու անվտանգութիւնը վտանգելուն համար», ըսաւ ան:
Նշենք, որ Սուրիոյ հակաօդային պաշտպանութեան համակարգերը չորեքշաբթի գիշեր դէմ դրին Դամասկոսի գիւղական շրջանին դէմ դիրքերու վրայ իսրայէլեան հրթիռային յարձակումին: Իսրայէլեան ուժերը նաեւ հրթիռակոծեցին Հալէպի օդակայանը` պատճառելով նիւթական վնասներ:
Իսրայէլեան «Մաարիւ» օրաթերթը երէկ հաղորդեց. «Ռուսիան նախօրօք տեղեակ էր Հալէպի օդակայանին վրայ իսրայէլեան զինուորական յարձակումէն»: