Հ.Բ.Ը.Մ. – Հ.Ե.Ը. Վեթերան Սկաուտներու Համախմբումը , գլխաւորութեամբ քոյր Մայտա Քիւրեճեանի, Կիրակի, 16 Օգոստոս 2015-ին, այցելութիւն մը տուաւ Հ.Ե.Ը. Անդրանիկ Անթիլիասի Այրունի բանակավայրը: Վեթերաններուն դիմաւորեցին բանակավայրին մէջ ներկայ արենոյշները, գայլիկները, քառավելները, երէցները, ինչպէս նաեւ Հ.Ե.Ը.-Անդրանիկ Անթիլիասի խմբապետական կազմի անդամները: Հայկական տոհմիկ աւանդութիւնները պահպանելու հոգեւոր ուխտի տրամադրութեան ցայտուն օրինակ մըն էր, վեթերաններու այցելութիւնը, որ զուգադիպելով Սուրբ Աստուածածնայ Վերափոխման տօնին, սկաուտներու պատրաստած մատուռին մէջ կատարուեցաւ խաղողի օրհնութիւն: Հոգեւոր եւ ազգային ապրումներու վառ օրինակ մը մեր երիտասարդ- երիտասարդուհիներուն մօտ: Նշենք, թէ Հ.Ե.Ը.- Անդրանիկ Անթիլիասի սկատուական բանակումը տեղի կ’ունենայ 8-էն 30 Օգոստոսի միջեւ, Այրունի մէջ: Իսկ աւանդական խարուկահանդէսը տեղի պիտի ունենայ Շաբաթ, 29 Օգոստոս 2015-ին:
On the occasion of the Holy Feast of Assumption of the Mother Mary, the AGBU-AYA Veteran Scouts Committee headed by its chairwoman Mrs. Mayda Kuredjian visited the Airoun campsite of the Antranik-Antelias Scouts Movement, where the traditional grape blessing ceremony was held. The Veteran Scouts were welcomed by the Chapter’s girl scouts, cub scouts, caravelles, rovers and the Antelias Scouts Movement leadership. The aim of this event was to preserve the Armenian traditions and values passed on through the generations. It is worth to note that the camping of the AYA Antranik Antelias Scouts Movement has started on August 8, 2015 and will last till August 30, 2015. The annual campfire ceremony will be held on Saturday August 29, 2015 at the Airoun campsite.