ԵՐԵՒԱՆ, «Արմռադիօ».- Ազգային անվտանգութեան ծառայութեան (ԱԱԾ) տնօրէն Արթուր Վանեցեանի կաշառակերութեան ճամբով հարստացողներու մասին կատարած աղմկայարոյց յայտարարութենէն ետք, ծառայութիւնը Հինգշաբթի, 24 Մայիսիսն յայտնեց, որ այդ գործով կան բերման ենթարկուածներ: Կ՛ակնկալուի, որ այս բացայայտումներուն շնորհիւ պետութեան զգալի գումար կը վերադարձուի:
Քանի մը օր առաջ, վարչապետ Նիկոլ Փաշինեանի մօտ հրաւիրուած էին Հայաստանի մէջ արտօնեալ կարգավիճակով գործարարութեամբ զբաղող քանի մը օլիգարգներ: Փաշինեան վարչապետ դառնալէ ետք յաճախ կը խօսի այս կարգի մարդիկը հարկային դաշտ տեղափոխելու, ապօրինի հարստանալու համար պատասխանատուութեան ենթարկելու մասին: Վարչապետի մօտ հրաւիրուածներու ընդհանուր թիւը առաւել քան 10ն էր:
Այս հանդիպմէն ետք Պետական եկամուտներու կոմիտէին (հարկային վարչութեան) որեւէ գործարարի հանդէպ ընդգծուած եւ թիրախային ուշադրութիւն չէ եղած:
Միւս կողմէ, Ազգային անվտանգութեան ծառայութենէն կը տեղեկացնեն, որ ապօրինի հարստացածներու գործը տեղէն շարժելու սկսած է եւ արդէն կան բերման ենթարկուածներ: