Հայաստանի երկու ներկայացուցիչ ունի աշխարհի ճատրակի առաջին հարիւր վարպետներուն մէջ

Ճատրակի միջազգային դաշնակցութիւնը՝ ՖԻՏԷն, հրապարակեց Մարտ ամսուան միջազգային նոր դասաւորումը:

Առաջին հարիւրին մէջ են Հայաստանի երկու ներկայացուցիչներ:

Գաբրիէլ Սարգսեան կը գրաւէ 56րդ դիրքը, իսկ Հրանդ Մելքումեան յայտնուեցաւ 95րդ դիրքին վրայ:

Հայաստանի հաւաքականի նախկին անդամ Լեւոն Արոնեան, որ այժմ կը ներկայացնէ Միացեալ Նահանգները, կը գտնուի 4րդ դիրքին վրայ:

Պարագլուխի դիրքին վրայ կը մնայ նորվեկիացի Մակնուս Քարլսընը: